ಮುಖಾಮುಖಿ

ಸಾಲು ಸಾಲು ಗಾಳಿಮರಗಳಿರುವ ಬೆಟ್ಟದ ತುದಿ.
ಮರದ ಕೊಂಬೆಯಲ್ಲಿ ಕುಳಿತು
ಅವನು ಹೇಳಲಾರಂಭಿಸಿದ:

'ಸತ್ಯವನ್ನೇ ನುಡಿಯಲು ಕಲಿಸಿದ ಚಾಮಯ್ಯ ಮೇಷ್ಟ್ರೇ,
ಸಮಸ್ಯೆಗಳ ಹಿಮ್ಮೆಟ್ಟಿಸಲು ಕಲಿಸಿದ ತಂದೆಯೇ,
ಭರವಸೆಯ ಬೆಳಕಾದ ತಂಗಿಯೇ,
ಹಂಚಿಕೊಂಡು ಬದುಕಲು ಕಲಿಸಿದ ತಮ್ಮನೇ,
ಕರುಣೆಯ ಕಡಲಾದ ಅವ್ವಾ..

ಈ ಲೋಕದಲ್ಲಿ
ಯಾರ ಎದುರೂ
ತಲೆತಗ್ಗಿಸದೆ ನಿಲ್ಲಬೇಕು ನನಗೆ'.

ಹೀಗೆನ್ನುತ್ತಾ ಕೊರಳಿಗೆ ಹಗ್ಗ ಬಿಗಿದು
ಕೆಳಕ್ಕೆ ಹಾರಿದ

ಮತ್ತು
ತಲೆ ತಗ್ಗಿಸದೇ ನಿಂತ!
*

ಮಲಯಾಳಂ ಮೂಲ- ಡಾ. ಸಂತೋಷ್ ಅಲೆಕ್ಸ್

ಕನ್ನಡಕ್ಕೆ- ಕಾಜೂರು ಸತೀಶ್