ಲಿಂಗದ ಹಸಿವು

'ಸ್ವಲ್ಪ ಕೊಡ್ತೀಯ' ಎಂದು
ಅವಳ ಬಳಿ ಕೇಳಲಾಗದ್ದಕ್ಕೆ
ಆಗುತ್ತಿರುವ ದುಃಖ ಅಷ್ಟಿಷ್ಟಲ್ಲ.

ಒಂದು ವೇಳೆ ಕೇಳಿದ್ದಿದ್ದರೆ?

ಅವಳ ಜೊತೆಯಷ್ಟೇ ಅಲ್ಲ
ಎಷ್ಟೋ ಸ್ತ್ರೀಯರ ಬಳಿ
ಹೀಗೇ ಕೇಳಬೇಕೆನಿಸಿದೆ.

ಮನಸ್ಸಿನಲ್ಲಿ ಮಲಗಿಸಿ
ನಿಲ್ಲಿಸಿ
ಕೂರಿಸಿ
ಕಾಮಸೂತ್ರದ ಎಲ್ಲ ಭಂಗಿಗಳನ್ನೂ
ಪ್ರಯೋಗ ಮಾಡಿದ್ದಾಗಿದೆ.

ಆದರೂ..
ಒಮ್ಮೆಯೂ ಕೇಳಲಿಲ್ಲ ಹಾಗೆ.


ಹೀಗೆ ಬಹಿರಂಗಪಡಿಸುವುದರ ಮೂಲಕ
ಅವಮಾನದ ಕೂಪಕ್ಕೆ ತಳ್ಳಿಬಿಡುತ್ತಾರೊ ಎಂಬ ಭಯದಲ್ಲಿ
ಸ್ವತಃ ಲಿಂಗವನ್ನು, ಅದರ ಅನಾದಿ ಹಸಿವನ್ನು ನಿಗ್ರಹಿಸಿ
ಅಂತಹದ್ದೊಂದು ಜೀವಿ ಇಲ್ಲಿ ಬದುಕುತ್ತಿಲ್ಲವೆಂದು
ಎಲ್ಲರ ಹಾಗೆ
ನಾನೂ ಒಂದು ಬೋರ್ಡು ಅಂಟಿಸಿದ್ದೇನೆ.

ಸ್ವಲ್ಪ ಯಾಮಾರಿದರೂ
ಅಪರಿಚಿತರೊಂದಿಗೆ ಸಂಗ ಬಯಸುವ
ಪಾಪಿ ನಾನು.

ಗೆಳೆಯಾ,
ವೀರ್ಯ ಬಿದ್ದು
ಹರಿದುಹೋಗುವ
ನಮ್ಮ ಒಳವಸ್ತ್ರ
ಎಂದೂ ಸುಳ್ಳುಹೇಳುವುದಿಲ್ಲ.

ಮಲಯಾಳಂ ಮೂಲ- ವಿಷ್ಣು ಪ್ರಸಾದ್

ಕನ್ನಡಕ್ಕೆ- ಕಾಜೂರು ಸತೀಶ್