Saturday, May 21, 2016

ಜೊತೆಯಾಟ

ಬಿರುಬೇಸಿಗೆಯಿದ್ದರೂ
ಮಳೆ ಸುರಿಯುತಿದೆ
ಮಳೆಯಿದ್ದರೂ
ಬಿಸಿಲು ತಣಿಯುತ್ತಿಲ್ಲ.

ಬಿಸಿಲೂ ಮಳೆಯೂ ಕೂಡಿದರೂ
ನರಿಗಳು ಮದುವೆ ಮಂಟಪದಿಂದ ಇಳಿಯುತ್ತಿಲ್ಲ.

ಬಾರೀ ಮಳೆ
ಎಲ್ಲೆಲ್ಲೂ ಪ್ರಳಯ ಜಲ
ಒಂದೇ ಒಂದು ಬಿಸಿಲಿಗೆ
ನೀರೆಲ್ಲ ಬತ್ತಿಹೋಗಿದೆ.

ಸುಟ್ಟು ಕರಕಲಾಗಲು
ಇನ್ನೇನೂ ಉಳಿದಿಲ್ಲವಾದರೂ
ಬಿಸಿಲು ಇಳಿಯುತ್ತಿಲ್ಲ
ಮಳೆ ನಿಲ್ಲುತ್ತಿಲ್ಲವಾದರೂ
ಹನಿ ನೀರೂ ಉಳಿದಿಲ್ಲ.

ಮಣ್ಣಲ್ಲಿ ಸತ್ವವಿಲ್ಲದಿದ್ದರೂ
ಕೆದಕಿ ತಿನ್ನಲಿಕ್ಕೆಂದು
ಕೋಳಿಗಳು ಬರಲಾರಂಭಿಸಿವೆ.

ಮಳೆಯೂ ಬಿಸಿಲೂ
ಒಟ್ಟೊಟ್ಟಿಗೆ ಆಟವಾಡುವಾಗ
ನರಿಗಳು ಕೋಳಿಗಳನ್ನು
ಮದುವೆಯಾಗುತ್ತಿವೆ.
*

ಮಲಯಾಳಂ ಮೂಲ- ರಾಧಾಕೃಷ್ಣನ್ ಪೆರುಂಬಳ

ಕನ್ನಡಕ್ಕೆ- ಕಾಜೂರು ಸತೀಶ್

No comments:

Post a Comment

ನಷ್ಟ

ಮೊದಲ ನೋಟದಲ್ಲಿ ಅಥವಾ ಪ್ರೀತಿಯ ಮೊದಲ ಪರ್ವದಲ್ಲಿ ನನಗೆ ನನ್ನ ಕಣ್ಣುಗಳು ನಷ್ಟವಾದವು. ಎರಡನೇ ಭೇಟಿಯಲ್ಲಿ ಅಥವಾ ಪ್ರೀತಿಯ ಮಧ್ಯ ಪರ್ವದಲ್ಲಿ ನನಗೆ ನನ್ನ ಹೃದಯ ನ...