ಕಿರುಗವಿತೆಗಳು

-೧-
ಮರ ಹತ್ತುವಾಗ ಒಂದು ಹಾವು ಸಿಕ್ಕಿತು
ಹಿಡಿದು ಎಸೆದುಬಿಟ್ಟೆ ಜೀವಭಯದಿಂದ

ಹಾವು ಸತ್ತಿತು
ಹಡೆದ ಅಷ್ಟೂ ನನ್ನ ಕವಿತೆಗಳೂ.

-೨-
ಇವತ್ತು ಅಮವಾಸ್ಯೆ
ಟಾರ್ಚಿಲ್ಲದೆ ನಡೆದುಬಂದೆ

ಕತ್ತಲು ಕೂಡ ಮುಖಕ್ಕೆ ಮಸಿಬಳಿಯಲಿಲ್ಲ.

-೩-
ಬೆಳಕ ಝರಿ ಹರಿದು
ಕಡಲ ಸೇರಿದೆ

ಮರುಭೂಮಿಗಳು ಹೆಚ್ಚುತ್ತಲೇ ಇವೆ.

-೪-
ತಲೆಯಾಡಿಸುವ ನಾಯಿಯ ಕಿವಿಗಳ ಸದ್ದು
ಗಡಿಯಾರದ ಮುಳ್ಳು ಮೈಮುರಿವ ಸದ್ದು
ನಿನ್ನ ಹೃದಯದ ಹೂವರಳುವ ಸದ್ದು
ಕೇಳುತ್ತಿಲ್ಲವೆಂದರೆ

ದಯವಿಟ್ಟು
ಕವಿತೆ ಹಡೆಯುವುದ ನಿಲ್ಲಿಸಿಬಿಡು.
***
-ಕಾಜೂರು ಸತೀಶ್