ತೀರಿಹೋದ ಮಗುವಿನ ಹುಟ್ಟುಹಬ್ಬಕ್ಕೆ
ಆಕಾಶದಲ್ಲಿ ಐದು ನಕ್ಷತ್ರಗಳ ಹಚ್ಚಿಟ್ಟರು ಅಪ್ಪ ಅಮ್ಮ.
ಸುವಿಶಾಲ ಆಗಸವೇ ಕೇಕು.
ಮಗು ಐದು ದೀರ್ಘ ಉಸಿರಿನ ಮೋಡಗಳಿಂದ
ನಕ್ಷತ್ರಗಳ ಆರಿಸಿತು
ಹರಿತ ಚಾಕುವಿನಿಂದ ನೀಲಾಕಾಶದಲ್ಲೆರಡು ಗೆರೆ ಎಳೆಯಿತು.
ರಕ್ತ ಜಿನುಗಿತು ಗೆರೆಗಳಲ್ಲಿ.
ಕತ್ತರಿಸಿ ತೆಗೆದ ಆಕಾಶವನ್ನು ಬಾಯಲ್ಲಿಟ್ಟು
ಮೂವರೂ ಮೇಲಕ್ಕೆ ದಿಟ್ಟಿಸಿದರು
ಅಲ್ಲಿ ಕತ್ತರಿಸಿ ತೆಗೆದ ಭಾಗದಲ್ಲಿ
ಅನೂಹ್ಯ ಸಾವಿನ ಕತ್ತಲು
ಭೂಮಿಯಿಂದೆದ್ದ ಅವರ
ದುಃಖ-ಅಸಹಾಯಕತೆಗಳ ದೃಷ್ಟಿ ಕುಡಿದು
ಕೊತಕೊತ ಕುದಿಯುತ್ತಿದೆ.
*
ಮಲಯಾಳಂ ಮೂಲ- ವಿಷ್ಣು ಪ್ರಸಾದ್
ಕನ್ನಡಕ್ಕೆ- ಕಾಜೂರು ಸತೀಶ್
No comments:
Post a Comment