ಜನ್ಮದಿನಾಚರಣೆಯೂ ಮತ್ತು ಬಡತನವೂ..

ಹಾಗೇ facebookನೊಳಕ್ಕೆ ಇಣುಕುತ್ತಿದ್ದಾಗ ಶಿಕ್ಷಕಿಯೊಬ್ಬರು ತಮ್ಮ ಮಗುವಿನ ಜನ್ಮದಿನವನ್ನು ಸರ್ಕಾರಿ ಶಾಲೆಯ ತರಗತಿಯೊಂದರಲ್ಲಿ ಆಚರಿಸುತ್ತಿರುವ ಚಿತ್ರವನ್ನು ನೋಡಿದೆ. ಮೇಜಿನ ಮೇಲೆ ಮಗುವಿನ ಹೆಸರು ಬರೆದಿರುವ ಕೇಕು ಮತ್ತು ಉರಿಯುತ್ತಿರುವ ಕ್ಯಾಂಡಲ್ಲು. ಅದನ್ನು ಬೆರಗಿನಿಂದ ನೋಡುತ್ತಿರುವ ಮಕ್ಕಳು!

ಬಹುತೇಕ ಸರ್ಕಾರಿ ಶಾಲಾ ವಿದ್ಯಾರ್ಥಿಗಳು ತಮ್ಮ ಜನ್ಮದಿನವನ್ನು ಹೀಗೆ ಕೇಕು ಕತ್ತರಿಸಿ ಕ್ಯಾಂಡಲ್ ಆರಿಸಿ ಆಚರಿಸಿಕೊಳ್ಳುವುದಿಲ್ಲ. ಆ ಟೀಚರ್ - ಕತ್ತರಿಸಿದ ಕೇಕನ್ನು ಮಕ್ಕಳಿಗೆ ಕೊಡಬಹುದು; ಅದನ್ನು ಆ ಮಕ್ಕಳು ಖುಷಿಖುಷಿಯಿಂದ ತಿನ್ನಬಹುದು.

ನನ್ನ ಎದೆಸೀಳುವುದು ಅದರ ನಂತರದ ಸ್ಥಿತಿ. ನಾಳೆ ದಿನ ಆ ಮಕ್ಕಳು 'ನಾವೂ ಯಾಕೆ ನಮ್ಮ ಜನ್ಮದಿನವನ್ನು ಹಾಗೆ ಆಚರಿಸಬಾರದು' ಎಂದುಕೊಂಡು ಪೋಷಕರ ಬೆನ್ನುಬೀಳುತ್ತವೆ. ಪೋಷಕರು ಅದನ್ನು ತಿರಸ್ಕರಿಸುತ್ತಾರೆ. 'ಒಬ್ಬರಿಗೆ ಸಾಧ್ಯವಾಗುವ ಸಂಗತಿ ನಮಗೇಕೆ ಸಾಧ್ಯವಿಲ್ಲ'ಎಂದು ಆ ಮಕ್ಕಳು ಯೋಚಿಸುತ್ತಾರೆ; ಹತಾಶರಾಗುತ್ತಾರೆ. ಅವರ ಮುಗ್ಧ ಬಾಲ್ಯವನ್ನದು ಹಿಂಡಿ ಹಿಪ್ಪೆ ಮಾಡುತ್ತದೆ.

ಬುದ್ಧಿವಂತರೆನಿಸಿಕೊಂಡ ಧನಿಕರಿಗಿದು ಅರ್ಥವಾಗುವುದಿಲ್ಲ!
*

ಕಾಜೂರು ಸತೀಶ್