ಪ್ರಿಯ ಮಧ್ಯರಾತ್ರಿಯೇ
ಯಾರೋ ನಿನ್ನ ನಿದ್ದೆ ಕದ್ದರು
ಮೌನವಾಗಿದ್ದ ಕಾಲದಲ್ಲಿ
ಹೂಂಗುಡುತ್ತಿದ್ದ ಕಾಲದಲ್ಲಿ
ಹೇಗೋ ನಿದ್ದೆಗೆ ಶರಣಾಗುತ್ತಿದ್ದೆ
ಈಗ ದನಿಯೇರಿಸಿರುವೆ
ಸಾಯುವುದಕ್ಕೂ ಸಿದ್ಧವಾಗಿರುವೆ
ಇನ್ನು ನಿನ್ನ ನಿದ್ದೆಯೆಲ್ಲಾ
ನ್ಯಾಯದೇವತೆಯ ಕಣ್ಣುಗಳಿಗೇ
-೨-
ಈಗ ಬೆಳಕಾಗಿದೆ
ಯಾರೋ ನಿನ್ನ ನಿದ್ದೆ ಕದ್ದ ಖುಷಿಯಲ್ಲಿ
ಬೆಳಕನ್ನೂ ಕದ್ದರು
ಮೌನವಾಗಿದ್ದ ಕಾಲದಲ್ಲಿ
ಕಿವಿತುಂಬ ಹಕ್ಕಿಗೊರಲು
ಈಗ ದನಿಯೇರಿಸಿರುವೆ
ಸಾಯುವುದಕ್ಕೂ ಸಿದ್ಧವಾಗಿರುವೆ
ಕದ್ದವರ ಕೈಯಲ್ಲೀಗ ಹಸಿರು ಶಾಯಿ.
*
✍️ಕಾಜೂರು ಸತೀಶ್
No comments:
Post a Comment