ಕಿಟಕಿ ಮುಚ್ಚಿ
ಬಾಗಿಲು ಹಾಕಿ
ಹೊರಟುಬಂದೆ.
ದೀಪ ಹಚ್ಚಲು
ಗೋಡೆಯನ್ನೇ ದಿಟ್ಟಿಸಲು
ನೆಲ_ಕಣ್ಣುಗಳನ್ನು ಒರೆಸಲು
ಕರವಸ್ತ್ರ ಒಗೆಯಲು
ಒಲೆ ಹಚ್ಚಲು
ಅಡುಗೆ ಮಾಡಿ ತಿನ್ನಲು
ನೆರೆಮನೆಯ ಹಿಂಸೆ ಸಹಿಸಲು
ಮನೆಯ ಯಜಮಾನನ ಅನುಮಾನಗಳ ಪರಿಹರಿಸಲು
ಬಾಗಿಲು ಬಡಿಯುವವರಿಗೆ ನಾನಿಲ್ಲವೆನ್ನಲು
ದಿನಚರಿ ಬರೆಯಲು
ಚಿತ್ರ ಬಿಡಿಸಲು
ಫೊಟೊ ಕ್ಲಿಕ್ಕಿಸಲು
ಹಾಡು ಗುನುಗುನಿಸಲು
ಮುಸುಕು ಹೊದ್ದು ಮಲಗಲು...
ಛೆ! ಮರೆತುಬಿಟ್ಟೆ ಹೇಳಿಕೊಡಲು
ಕೋಣೆಯೊಳಗೇ ಬಂಧಿಯಾದ ನನ್ನ ನಿಶ್ವಾಸಕ್ಕೆ!
*
-ಕಾಜೂರು ಸತೀಶ್
No comments:
Post a Comment