ಓಟ

ಒಂದು ದಿನ ನಿದ್ದೆಯಿಂದ ಎದ್ದು ನೋಡಿದೆ.
ಎಲ್ಲವೂ ಓಡುತ್ತಲೇ ಇವೆ:
ಹುಲಿಗಳು,ಮರಗಳು,
ಬೆಟ್ಟಗಳು ,ನದಿಗಳು ,
ಮೋಡಗಳು ,ನಕ್ಷತ್ರಗಳು ,
ಸೂರ್ಯ , ಚಂದ್ರ ...
ಎಲ್ಲವೂ...



ನಿಬ್ಬೆರಗಾಗಿ ನೋಡಿದೆ:
ಒಬ್ಬಾತ ಹುಚ್ಚುಹಿಡಿದಂತೆ
ಚೂಪು ಕಠಾರಿಯ ಹಿಡಿದು
ಅವುಗಳ ಬೆನ್ನಟ್ಟಿ ಓಡುತ್ತಿದ್ದಾನ .



ಅವನನ್ನೇ ದಿಟ್ಟಿಸಿ ನೋಡಿದೆ-
ನೋಡಲು ಥೇಟ್ ನನ್ನ ಹಾಗೆ !
ನನ್ನ ಕೈಗಳನ್ನು ನೋಡಿಕೊಂಡೆ-
ಕೈಯ ತುಂಬೆಲ್ಲ ರಕ್ತವೋ ರಕ್ತ!

**

ಮಲಯಾಳಂ ಮೂಲ- ಕೆ.ಸಚ್ಚಿದಾನಂದನ್

ಕನ್ನಡಕ್ಕೆ - ಕಾಜೂರು ಸತೀಶ್