Friday, April 29, 2016

ಐದು ಕಿರುಗವಿತೆಗಳು

ಮರಗಳು ಓದದೆ ಉಳಿಸಿದ
ಎಲೆಗಳನ್ನು
ಮಳೆ ಓದುತ್ತದೆ.
*

ಹುಳುವಿನಷ್ಟು ಚೆನ್ನಾಗಿ
ಹೂವನ್ನು ಬಲ್ಲ
ಯಾವ ಚಿಟ್ಟೆಯೂ ಭೂಮಿಯಲ್ಲಿಲ್ಲ.
*

ಚಿಟ್ಟೆಗಳಿಗಾಗಿ ಕಾದೂ ಕಾದೂ
ದಣಿದ ಹೂದೋಟ
ಹುಡುಕಲು ಹಾರತೊಡಗಿದೆ.
*

ಪ್ರೀತಿಯನ್ನು ತುಂಬಿಕೊಳ್ಳುವ ನರವ್ಯೂಹ
ಅಣೆಕಟ್ಟಿನಂತೆ ಒಡೆಯದಿರಲು
ಈ ಬಾಹುಗಳ ಬಾಗಿಲು ತೆರೆದಿಟ್ಟಿದ್ದೇನೆ.
*

ಕುರ್ಚಿ ಹೇಳುವ ಕತೆಗಳಲ್ಲಿ ಬೇರುಗಳಿರುವುದಿಲ್ಲ
ಆದರೆ ಅವು ಬೇರುಗಳ ನೆನಪಿಟ್ಟುಕೊಳ್ಳುತ್ತವೆ
ಕುರ್ಚಿಯಲ್ಲಿ ಕೂರುವವರ ಒಳಗೆ
ಅವು ಹಬ್ಬಿಕೊಳ್ಳುತ್ತವೆ.
*

ಮಲಯಾಳಂ ಮೂಲ- ಡೋನಾ ಮಯೂರ

ಕನ್ನಡಕ್ಕೆ- ಕಾಜೂರು ಸತೀಶ್

No comments:

Post a Comment

ಅನ್ಯಾಯ

ಲೋಕ ನುಂಗಿದವನ ಕಾಲಡಿಗೆ ಒಂದು ಬಾಳೆಹಣ್ಣು ಕದ್ದು ಸಿಪ್ಪೆ ಎಸೆದವನ ಕೊರಳಿಗೆ ಒಂದು ಹಗ್ಗವನ್ನು ಅಂಟಿಸುವುದಾದರೆ ಆ ಹಗ್ಗ ನೇಯ್ದವನ ಬೆವರು ಅನ್ಯಾಯವಾಗಿ ಆತ್ಮಹತ್ಯೆ ಮಾ...