ಸಂಜೆ

ಇಳಿ ಸಂಜೆ.

ಹಕ್ಕಿ, ಮನುಷ್ಯ, ದನ, ಸೂರ್ಯ ಎಲ್ಲವೂ ಮನೆಯ ಕಡೆಗೆ ಜಾರುತ್ತಿದ್ದವು.

ನದಿ ಮಾತ್ರ ಹರಿಯುತ್ತಿತ್ತು- ಟೆಂಟು ಕಟ್ಟಿ ಬದುಕುವ ಮನುಷ್ಯರ ಹಾಗೆ.

*

✍️ ಕಾಜೂರು ಸತೀಶ್

ದಂಡ

ತಿಮ್ಮನ ಹೆಲ್ಮೆಟ್ ಕಳುವಾಯಿತು. ದಾರಿಯಲ್ಲಿ ಪೊಲೀಸ್ ಹಿಡಿದು ದಂಡ ವಿಧಿಸಿದರು.

 

ತಿಮ್ಮ ಯೋಚಿಸಿದ. ನನಗೆ ಹೆಲ್ಮೆಟ್ ಮತ್ತು ಹಣ ಎರಡೂ ಹೋದವು. ಕದ್ದವನಿಗೆ ಹೆಲ್ಮೆಟ್ ಸಿಕ್ಕಿತು, ಕಟ್ಟಬೇಕಾದ ಹಣವೂ ಉಳಿಯಿತು.

" ಕಾಮನ್ ಸೆನ್ಸ್ ಬೇಕು ರೀ.. ಹೆಲ್ಮೆಟ್ ಹಾಕ್ಬೇಕು ಅಂತ ಗೊತ್ತಾಗಲ್ವಾ " ಉಚಿತ ಸಲಹೆ ಮಾತ್ರ ತಿಮ್ಮನ ಪಾಲಾಯಿತು.

*

✍️ಕಾಜೂರು ಸತೀಶ್