ಗೊಂಬೆ

ಹಾಲಿನ ಪರಿಮಳ ಹೊದ್ದ ಹಸುಳೆಯ ಭೋಗಿಸಿ ಎಸೆದ ಮೇಲೆ

ಮುದ್ದಾದ ಗೊಂಬೆಯೊಂದನ್ನು ಕೊಂಡು ಮನೆಗೆ ಮರಳಿದ.

*

ಮಲಯಾಳಂ ಮೂಲ- ಸಿನಿ ಪ್ರದೀಶ್

ಕನ್ನಡಕ್ಕೆ- ಕಾಜೂರು ಸತೀಶ್ 

ದೂರ

ವರುಷಗಳ ಅನಂತರ

ದಿವಾಕರ

ಅಪ್ಪನನ್ನು ನೋಡಲು

ವೃದ್ಧಾಶ್ರಮಕ್ಕೆ ತಲುಪಿದ

ಒಂದಿಷ್ಟೂ ಆಸಕ್ತಿ ತೋರದೆ

ದಿವಾಕರನ ಹೆಂಡತಿ

ಸಾಕುನಾಯಿ ಜಿಮ್ಮಿಯೊಡನೆ

ಕಾರಿನಲ್ಲೇ ಕುಳಿತಳು

ಜಿಮ್ಮಿಯನ್ನು ಕರ್ಕೊಂಡ್ಬರ್ಲಿಲ್ವಾ?

ಅಪ್ಪ ಕೇಳಿದರು

ಇಷ್ಟು ದೂರ ಬರುವಾಗ 

ಹೇಗಪ್ಪಾ ಅವ್ನನ್ನು

ಒಬ್ನೇ ಮನೇಲಿ ಬಿಟ್ಟು ಬರೋದು?

*

ಮಲಯಾಳಂ ಮೂಲ- ಸತೀಶನ್ ಮೋರಾಯಿ

ಕನ್ನಡಕ್ಕೆ- ಕಾಜೂರು ಸತೀಶ್