ಮೋಸ

ಹರಿವು ನಿಲ್ಲಿಸಿ
ಸಾಯುವ ಕಡೇ ಕ್ಷಣದಲ್ಲಿ
ನದಿಯು ಹಾದಿಯೊಡನೆ ಉಸುರಿತು:

'ಸಮುದ್ರವನ್ನು ನೋಡಲು ಸಾಧ್ಯವಾದರೆ
ನಾನು ಶ್ರಮಿಸಿದ್ದೆ ಎಂದು ಹೇಳಬೇಕು'

ಅಷ್ಟರಲ್ಲಾಗಲೇ
ಹಾದಿಯ ಮರಳಕಣ
ಮರುಭೂಮಿಯೊಡನೆ
ರಹಸ್ಯ ಮಾತುಕತೆ ಆರಂಭಿಸಿತ್ತು!
*

 #ಮಲಯಾಳಂ ಮೂಲ- ಜಿನೇಶ್ ಮಡಪ್ಪಳ್ಳಿ

#ಕನ್ನಡಕ್ಕೆ - ಕಾಜೂರು ಸತೀಶ್

ಮಳೆ'ಹನಿ'

ಮಳೆ ನಿಂತಿದೆ
ಮರಕ್ಕೀಗ ಮೋಡದ ಕೆಲಸ!
*
ಮಳೆ ನಿಂತಿದೆ
ಮೋಡ ದಣಿವಾರಿಸಿಕೊಳ್ಳುತ್ತಿರುವಾಗ
ಮರವದರ ಬೆವರೊರೆಸಿಕೊಡುತ್ತಿದೆ!
*
ಮಳೆ ನಿಂತಿದೆ
ಒದ್ದೆಯಾದ ಗಾಳಿ ಮೈಕೊಡವುತ್ತಿದೆ!
*
ಮಳೆ ನಿಂತಿದೆ
ಮರ ಮಾತಿಗಿಳಿದಿದೆ!
*
ಮಳೆ ನಿಂತಿದೆ
ನಕ್ಷತ್ರಗಳು ನಿದ್ದೆಗೆ ಜಾರಿವೆ!
*

ಕಾಜೂರು ಸತೀಶ್