ಭಾಷೆ ಮತ್ತು ನಾಗರಿಕ ಸೇವೆ

ಮೊನ್ನೆ ಮೊನ್ನೆ ಜಿಲ್ಲೆಯೊಂದರ ನಾಗರಿಕ ಸೇವಾ ಅಧಿಕಾರಿಯೊಬ್ಬರು ಸರ್ಕಾರಿ ಶಾಲೆಯೊಂದಕ್ಕೆ ಭೇಟಿ ನೀಡಿ ಅದರ ಕಾರ್ಯವೈಖರಿಯನ್ನು ಮೆಚ್ಚಿ ಪ್ರಶಂಸನಾ ಅಭಿಪ್ರಾಯವನ್ನು ಶಾಲಾ ದಾಖಲೆಯಲ್ಲಿ ಬರೆದಿದ್ದರು. ಸರ್ಕಾರಿ ಶಾಲೆಗೆ ಭೇಟಿ ನೀಡುವ, ಅಲ್ಲಿನ ಹಲವು ಸವಾಲುಗಳ ನಡುವೆ ಅದನ್ನು ಮೆಚ್ಚುವ ಈ ಬಗೆಯ ಅಧಿಕಾರಿಗಳು ಹಾಗೂ ಮೆಚ್ಚಿಸಿಕೊಳ್ಳುವ ಶಾಲೆಗಳು ವಿರಳ. ಅದಕ್ಕಾಗಿ ಆ ಅಧಿಕಾರಿ ಹಾಗೂ ಶಾಲೆಯ ಶಿಕ್ಷಕರು ಅಭಿನಂದನಾರ್ಹರು.

ಆದರೆ, ಆಂಗ್ಲ ಭಾಷೆಯಲ್ಲಿ ಬರೆಯಲಾಗಿದ್ದ ಆ ಅಭಿಪ್ರಾಯವನ್ನು ಓದಿದ ಮೇಲೆ ಹಲವು ಸಂಗತಿಗಳು ನನ್ನ ಬಳಿ ಸುಳಿದುಹೋದವು:

1.ಹಲವು ವ್ಯಾಕರಣ ದೋಷಗಳು!

2.ಕನ್ನಡ ತಿಳಿದಿದ್ದರೂ ಅದನ್ನು ಬಳಸದಿರುವುದು (ಅಥವಾ ಅದೂ ಸ್ಪಷ್ಟವಾಗಿ ದಕ್ಕದಿರುವುದು!)

3.ನಾಗರಿಕ ಸೇವೆಗಳು ಮತ್ತು ಆಂಗ್ಲ ಭಾಷೆಯ ಅಗತ್ಯತೆ.

4.ನಮಗೆ ತಿಳಿದ ಭಾಷೆಯ ಮೇಲಿನ ಅವಜ್ಞೆ ಮತ್ತು ಅನ್ಯದ ಮೇಲಿನ ಒಲವು.

5.ನಾಗರಿಕ ಸೇವೆ ಮತ್ತು ಭಾಷೆಯ(ಭಾಷೆಗಳ) ಅರಿವಿನ ಅಗತ್ಯತೆ/ ಅನಿವಾರ್ಯತೆ.

6.ಓದಿ ಪಡೆಯುವ ಹುದ್ದೆಗಳು, ಅದನ್ನು ಗಿಟ್ಟಿಸಿದ ಮೇಲಿನ ಓದಲಾಗದ ಸ್ಥಿತಿ; ಜ್ಞಾನದ ನಿಲುಗಡೆ.

7.ಶಿಕ್ಷಣ ಪದ್ಧತಿ ಮತ್ತು ಬಾಯಿಪಾಠವನ್ನು ಪುರಸ್ಕರಿಸುವ ಮೌಲ್ಯಮಾಪನ ಕ್ರಮಗಳು; ಅಂಕ ಕೇಂದ್ರಿತ ನೇಮಕಾತಿ.

8.ನಾಗರಿಕ ಸೇವಾ ಹುದ್ದೆಗಳ ಆಯ್ಕೆ ಪ್ರಕ್ರಿಯೆ.

9.ಭ್ರಷ್ಟ ವ್ಯವಸ್ಥೆ.

10.ಇತ್ಯಾದಿ!