ಅಮ್ಮ ನನ್ನ ಆತ್ಮ ದೇಹ ಮಾತ್ರ ಬೇರೆ
ಪ್ರೀತಿಯಲ್ಲಿ ಕರುಣೆಯಲ್ಲಿ ಅವಳು ವರ್ಷಧಾರೆ
ಗರ್ಭದಲ್ಲೇ ಲಾಲಿ ಹಾಡಿ ತನ್ನ ಕುಡಿಯ ಮಲಗಿಸುವಳು
ಚಕ್ರವ್ಯೂಹವನ್ನೇ ಮುರಿಯುವಂಥ ಕಥೆಯ ಕಲಿಸುವವಳು
||ಅಮ್ಮ||
ತಾನು ಹಸಿದು ತನ್ನ ಕೂಸಿಗಾಗಿ ಅನ್ನ ಉಣಿಸುವವಳು
ಪರರಿಗಾಗಿ ಉರಿದು ನಗುವ ನಂದಾದೀಪ ಅವಳು
||ಅಮ್ಮ||
ಜಗದ ಸಕಲ ಪ್ರೀತಿಯನೆಲ್ಲ ತನ್ನೊಡಲಲಿ ತುಂಬುವವಳು
ಕಣ್ಣನೀರಿನಂಥ ಕಡಲಿನಂತೆ ಹರಡಿ ಬೆಳೆಯುವವಳು
||ಅಮ್ಮ||
ನೆಲಮುಗಿಲಿನಂತೆ ಅವಳು ಕಾಯುವಳು ಸಹಿಸುವಳು
ತುಳಿದರೂ ನೋಯದಂಥ ಭೂಮಿತಾಯಿಯಂಥವಳು
||ಅಮ್ಮ||
*
ಕಾಜೂರು ಸತೀಶ್
No comments:
Post a Comment