ಪರದೆ

ಪರದೆಯ ಮೇಲಿನ ನಟ

ಇವಳಿಗೆ ಇಷ್ಟವಾದ

ಪರದೆಯ ಮೇಲಿನ ನಟಿ

ಇವನಿಗೆ ಇಷ್ಟವಾದಳು

ಇವರಿಬ್ಬರ ಒಳಗೆ

ಪರದೆಯ ಮೇಲಿನ ಅವರಿಬ್ಬರ ಮೇಲೆ

ಮೋಹ ಮತ್ತು ಕಾಮ

ಪರದೆಯ ಮೇಲಿನ ನಟ

ವೃದ್ಧಾಪ್ಯ ಬಂದು ತೀರಿಕೊಂಡಿದ್ದ

ಪರದೆಯ ಮೇಲಿನ ನಟಿಗೆ

ಅಕಾಲಿಕ ಮರಣ

ಅವರಿಬ್ಬರು ತೀರಿಕೊಂಡ ವಿಷಯ

ಇವರಿಬ್ಬರಿಗೆ ತಿಳಿದಿಲ್ಲ

(ಇವರಿಬ್ಬರು ಬದುಕಿರುವ ವಿಷಯ

ಅವರಿಗೂ)

ಅವರಿಬ್ಬರು ತೀರಿಕೊಂಡ

ಎಷ್ಟೋ ವರ್ಷದ ಬಳಿಕ

ಇವರಿಬ್ಬರ ಒಳಗೆ

ಅವರ ಮೇಲೆ ಮೋಹ ಮತ್ತು ಕಾಮ

ಹೀಗೆ ಪರದೆಯ ಮೇಲಿನ ಅವರಿಬ್ಬರು

ಪರದೆಯ ಹೊರಗಿನ ಇವರಿಬ್ಬರು

ಮತ್ತು ನಡುವಿನ ನಾವು

*

ಕಾಜೂರು ಸತೀಶ್