ಕೊಂಬು

ಟೀಚರ್ ಕರಿಹಲಗೆಯಲ್ಲಿ ಕುದುರೆಯ ಚಿತ್ರ ಬಿಡಿಸಿದರು

ಮಕ್ಕಳು ನಕಲು ಮಾಡಿದರು

ಎಲ್ಲಾ ಕುದುರೆಗಳಿಗೂ ಕೊಂಬುಗಳು!

ಮಕ್ಕಳ ಚಿತ್ರ ಕಂಡ ಟೀಚರಿನ ಪಿತ್ತ ನೆತ್ತಿಗೇರಿತು

ಬೆತ್ತ ಕೈಗೆತ್ತಿಕೊಂಡರು

ಹಸ್ತದಿಂದ ನೋವು ಮಾಯುವ ಮುನ್ನವೇ

ಎಲ್ಲ ಮಕ್ಕಳೂ ಒಕ್ಕೊರಲಿನಲಿ ಹೇಳಿದರು:

'ನೀವೆಷ್ಟು ಬೇಕಾದ್ರೂ ಹೊಡೀರಿ ಟೀಚರ್...

ನಮ್ಮ ಕುದುರೆಗಳಿಗೆ ಕೊಂಬಿರ್ತವೆ

ಕೊಂಬಿರೋ ಕುದುರೆಗಳೇ ನಮಗಿಷ್ಟ'

ಅದೇ ರಾತ್ರಿ

ಟೀಚರಿಗೆ ನಿದ್ದೆ ಹತ್ತಲಿಲ್ಲ

ಇನ್ನೇನು ನಿದ್ದೆಹತ್ತಬೇಕು ಎನ್ನುವಾಗ

ಗುಂಪುಗೂಡಿ ಬಂದ ಕೊಂಬುಗಳು

"ಟೀಚರೇ...."

*

ಮಲಯಾಳಂ ಮೂಲ- ಪವಿತ್ರನ್ ತೀಕ್ಕುನಿ

ಕನ್ನಡಕ್ಕೆ- ಕಾಜೂರು ಸತೀಶ್