ಮರುನೋಟ

ಬಿರುಬೇಸಿಗೆಯ ಬರ.
ಬಿರಿದ ಹೂವೊಂದು
ಕಿಟಕಿಯೆಡೆಗೆ ನೋಡುತಿದೆ.

ಮೊಟ್ಟಮೊದಲ ಸಲ
ಹೂವಿನ ಕಣ್ಣಿಗೆ ಸಿಕ್ಕ
ಕಿಟಕಿಯೊಳಗಿನ ಚಿತ್ರವಾಗುತ್ತೇನೆ.

ಗಾಳಿಗೆ ಹೊಯ್ದಾಡುವ ಹೂವಿಗೆ
ಇನ್ನಿಲ್ಲದ ಕನಿಕರ ನನ್ನ ಮೇಲೆ.

ಕಣ್ಣುಗಳಲ್ಲಿ ಅದು
ನನ್ನ ನಗ್ನತೆಯ ಗೀಚುತ್ತದೆ
ಈ ಒಡಲ ಕಳಚಿಡುತ್ತೇನೆ ನಾನು.
ಒಡಲು ನನ್ನ ಕಳಚಿಟ್ಟುಬಿಡುತ್ತದೆ.

ನಿದ್ದೆಯಲ್ಲಿ
ನಾನು
ವಸಂತದ ಪೈರುಗಳ
ಕೊಯ್ದು ರಾಶಿಹಾಕುತ್ತೇನೆ.
*

ಮಲಯಾಳಂ ಮೂಲ : ಚಿತ್ರಾ ಕೆ.ಪಿ.

ಕನ್ನಡಕ್ಕೆ : ಕಾಜೂರು ಸತೀಶ್