ಜುಳುಜುಳು ಆಕಾಶದಲ್ಲಿ ಬಾವಲಿಗಳೆಂಬೊ ತಿಮಿಂಗಿಲಗಳು
ಟಪಟಪ ರೆಕ್ಕೆಬಡಿದು ವೈಯ್ಯಾರದಿಂದ ಈಜುತ್ತಿವೆ.
ಕಿತ್ತು ತಟ್ಟಾಟ ಆಡಿ ಬಿಸುಟಿದ ಚೆಂಡುಮಲ್ಲಿಗೆ ಹೂಗಳು
ಆಕಾಶದುದ್ದಕ್ಕೂ ಮುಳುಗಿ ಚುಕ್ಕಿಗಳಾಗಿ ಬೆಳಗಲು ಪ್ರತಿಷ್ಠಾಪನೆಗೊಂಡಿವೆ.
ಈ ಗುಲಾಬಿ ಹೂವು ಚೆಂಡುಮಲ್ಲಿಗೆಗಳಿಗೆಲ್ಲ ರಾಣಿಯೆಂಬಂತೆ
ಜಲರಾಶಿಯಲ್ಲುರಿದುರಿದು ಕೆಂಪು ಎಸಳುಗಳ ಭೂಮಿಗೆಸೆದು ಬೆಳಕು ಹಬ್ಬಿಸಿದೆ.
ವಿಮಾನಗಳು ಹಡಗುಗಳಾಗಿ ಹಕ್ಕಿಗಳ ಕಲ್ಲುಬಂಡೆಗಳಿಗೆ ಢಿಕ್ಕಿಯಾಗದಂತೆ
ಗಾಳಿಯ ನೀರನ್ನು ಸೀಳಿ ಸಿಳ್ಳೆಹಾಕಿ ಮುನ್ನುಗ್ಗುತ್ತಿವೆ.
ಕಪ್ಪು ಕಪ್ಪೆಗಳು ಮೋಡಗಳಾಗಿ ನೀರೊಳಗೆ ಕುಪ್ಪಳಿಸಿ ಹನಿಗಳ ಚಿಮುಕಿಸುತಿವೆ ನೆಲಕೆ;
ಅವು ಲೋಕದುದರವ ಹುಡುಕ್ಹುಡುಕಿ ಸಮಾಗಮಿಸುವಂತೆ ತಟತಟ ಉದುರುತ್ತಿವೆ.
ಅಡ್ಡಾಡಲೆಂಬಂತೆ ಮೇಲೆದ್ದ ಮಲೆಗಳು ಆಕಾಶದ ನೀರ ಸೀಳಲು -ದ್ವೀಪ;
ಮುಖ ತೊಳೆಯಲೆದ್ದ ಮರದ ತಲೆಮೇಲೆ ಉರಿವ ಹೂವಿನ ದೀಪ.
ಮೇಲೆ ನೀರು, ಕೆಳಗೆ ನೆಲ ;
ಮುಳುಗೇಳುತ್ತಾ ನಾವಿಲ್ಲಿ- ನಡುವಿನ ಉಬ್ಬು-ತಗ್ಗುಗಳಲ್ಲಿ.
**
-ಕಾಜೂರು ಸತೀಶ್
ಟಪಟಪ ರೆಕ್ಕೆಬಡಿದು ವೈಯ್ಯಾರದಿಂದ ಈಜುತ್ತಿವೆ.
ಕಿತ್ತು ತಟ್ಟಾಟ ಆಡಿ ಬಿಸುಟಿದ ಚೆಂಡುಮಲ್ಲಿಗೆ ಹೂಗಳು
ಆಕಾಶದುದ್ದಕ್ಕೂ ಮುಳುಗಿ ಚುಕ್ಕಿಗಳಾಗಿ ಬೆಳಗಲು ಪ್ರತಿಷ್ಠಾಪನೆಗೊಂಡಿವೆ.
ಈ ಗುಲಾಬಿ ಹೂವು ಚೆಂಡುಮಲ್ಲಿಗೆಗಳಿಗೆಲ್ಲ ರಾಣಿಯೆಂಬಂತೆ
ಜಲರಾಶಿಯಲ್ಲುರಿದುರಿದು ಕೆಂಪು ಎಸಳುಗಳ ಭೂಮಿಗೆಸೆದು ಬೆಳಕು ಹಬ್ಬಿಸಿದೆ.
ವಿಮಾನಗಳು ಹಡಗುಗಳಾಗಿ ಹಕ್ಕಿಗಳ ಕಲ್ಲುಬಂಡೆಗಳಿಗೆ ಢಿಕ್ಕಿಯಾಗದಂತೆ
ಗಾಳಿಯ ನೀರನ್ನು ಸೀಳಿ ಸಿಳ್ಳೆಹಾಕಿ ಮುನ್ನುಗ್ಗುತ್ತಿವೆ.
ಕಪ್ಪು ಕಪ್ಪೆಗಳು ಮೋಡಗಳಾಗಿ ನೀರೊಳಗೆ ಕುಪ್ಪಳಿಸಿ ಹನಿಗಳ ಚಿಮುಕಿಸುತಿವೆ ನೆಲಕೆ;
ಅವು ಲೋಕದುದರವ ಹುಡುಕ್ಹುಡುಕಿ ಸಮಾಗಮಿಸುವಂತೆ ತಟತಟ ಉದುರುತ್ತಿವೆ.
ಅಡ್ಡಾಡಲೆಂಬಂತೆ ಮೇಲೆದ್ದ ಮಲೆಗಳು ಆಕಾಶದ ನೀರ ಸೀಳಲು -ದ್ವೀಪ;
ಮುಖ ತೊಳೆಯಲೆದ್ದ ಮರದ ತಲೆಮೇಲೆ ಉರಿವ ಹೂವಿನ ದೀಪ.
ಮೇಲೆ ನೀರು, ಕೆಳಗೆ ನೆಲ ;
ಮುಳುಗೇಳುತ್ತಾ ನಾವಿಲ್ಲಿ- ನಡುವಿನ ಉಬ್ಬು-ತಗ್ಗುಗಳಲ್ಲಿ.
**
-ಕಾಜೂರು ಸತೀಶ್
No comments:
Post a Comment