ನೆನಪು ಹರಿದಾಡುತಿದೆ
ಮರೆತಿದ್ದ ಗತವೆಲ್ಲ ಮೊಳಕೆಯೊಡೆದೇಳುತಿದೆ//ಮತ್ತೆ//
ಕಣ್ಣು ಹಸಿರಾಗುತಿದೆ
ಮಣ್ಣು ಅನ್ನ ಕಲಸುತಿದೆ
ರವಿ ಮತ್ತೆ ತವರಿಗೆ ಹೆರಿಗೆಗೆ ಜಾರುತಿದೆ//ಮತ್ತೆ//
ಬೆಟ್ಟ ಮೈಮರೆಯುತಿದೆ
ನೆಲದ ಗಾಯ ಮಾಯುತಿದೆ
ಗುಳೆಹೋದ ಕನಸೆಲ್ಲ ಮರಳಿಮನೆ ಸೇರುತಿದೆ//ಮತ್ತೆ//
ಮರವು ಉಸಿರ ನುಡಿಸುತಿದೆ
ಸಿಡಿಲು ಒಡಲ ಬರೆಯುತಿದೆ
ಜಲವು ಎಳೆದ ಚಿತ್ರ ನೆಲಕೆ ಚೆಲುವ ಸಿಹಿಯುಣಿಸುತಿದೆ//ಮತ್ತೆ//
ಮುಗಿಲ ಪದ ಸೋರುತಿದೆ
ಮೌನದ ಒಲೆಯಾರುತಿದೆ
ನೆಲದ ಬಿರುಕು ನಭದ ಕಣ್ಣಿಗೆರಚಿ ಹನಿಯ ಚೆಲ್ಲುತಿದೆ//ಮತ್ತೆ//
*
ಕಾಜೂರು ಸತೀಶ್
No comments:
Post a Comment