ಸಮುದ್ರ

''ಅತ್ಯಂತ ದೊಡ್ಡ ಸಮುದ್ರ ಯಾವುದು?'' ಶಿಕ್ಷಕರು ವಿದ್ಯಾರ್ಥಿಯನ್ನು ಕೇಳಿದರು.

ವಿದ್ಯಾರ್ಥಿಯು ಒಂದು ಕ್ಷಣ ಯೋಚಿಸುತ್ತಾ ನಿಂತಿದ್ದನ್ನು ಕಂಡು ಶಿಕ್ಷಕರೇ ಉತ್ತರ ಹೇಳಿದರು.

''ಅಲ್ಲ ಸರ್ ... ಅಶಾಂತವಾದ ಮನಸ್ಸೇ ಅತ್ಯಂತ ದೊಡ್ಡ ಸಮುದ್ರ'' ವಿದ್ಯಾರ್ಥಿ ಹೇಳಿದ.

ಶಿಕ್ಷಕರು ಒಂದು ಕ್ಷಣ ಕಣ್ಣು ಮುಚ್ಚಿ ನಿಂತು ತನ್ನೊಳಗೆ ಮುಳುಗಿದರು.

ತನ್ನ ಆಳದಿಂದ ಸಾಲು ಸಾಲು ಅಲೆಗಳೆದ್ದು ತಲೆಗೆ ಅಪ್ಪಳಿಸಿ ಸಾಯುತ್ತಿದ್ದವು.

ಮನಸ್ಸಿನ ತುಂಬೆಲ್ಲಾ ನೊರೆಗಳು- ಗುಳ್ಳೆಗಳು.

ಮತ್ತೆ ತಡ ಮಾಡಲಿಲ್ಲ.

 ವಿದ್ಯಾರ್ಥಿಯನ್ನು ತರಗತಿಯಿಂದ ಹೊರಗೆ ಹಾಕುವ ಬದಲು ಶಿಕ್ಷಕರೇ ತರಗತಿಯ ಹೊರಗೆ ಹೋಗಿ ನಿಂತರು.

*

ಮಲಯಾಳಂ ಮೂಲ -

 ಪಿ ಕೆ ಪಾರಕ್ಕಡವು 

ಕನ್ನಡಕ್ಕೆ - ಕಾಜೂರು ಸತೀಶ್