ಶವ

ರಸ್ತೆಯಲ್ಲಿ ಅನಾಥ ಶವವೊಂದಿತ್ತು. ಅಲ್ಲಿದ್ದವರ್ಯಾರಿಗೂ ಅದರ ಗುರುತು ಹತ್ತಲಿಲ್ಲ.

ಎಡಗೈ ಗುರುತಿನ ಪಕ್ಷದವರು ಫೋಟೋ ತೆಗೆದು ತಮ್ಮ ಪಕ್ಷದ ವಾಟ್ಸಾಪ್ ಗುಂಪಿನಲ್ಲಿ ಹಂಚಿಕೊಂಡು 'ಇವರು ಗೊತ್ತಾ? ನಮ್ಮ ಪಕ್ಷದವರಾ?'ಎಂಬ ಪ್ರಶ್ನೆ ಎಸೆದರು.

ಬಲಗೈ ಗುರುತಿನ ಪಕ್ಷದವರೂ ಹಾಗೇ ಮಾಡಿದರು.

ಯಾರೂ ಗುರುತಿಸಲಿಲ್ಲ . ಕೊನೆಗೆ  ಜಾತಿಗೊಂದರಂತೆ ರಚಿಸಲಾಗಿದ್ದ ವಾಟ್ಸಾಪ್ ಗುಂಪುಗಳಲ್ಲಿ ಹಂಚಿಕೊಳ್ಳಲಾಯಿತು- 'ನಮ್ಮವರಾ?'

 ಆಗಲೂ ಯಾರಿಗೂ ಗುರುತು ಸಿಗಲಿಲ್ಲ.

 ಅಷ್ಟೇ!

*

✍️ ಕಾಜೂರು ಸತೀಶ್