ಲೆಕ್ಕ

ಮೀನುಗಾರರಿಗೆ ಹೊಳೆಯಲ್ಲಿರುವ ಮೀನುಗಳನ್ನು ಎಣಿಸಲು ತಿಳಿಸಲಾಯಿತು.

'ನಾವು ಮೀನು ಹಿಡಿಯುವವರು, ಎಣಿಸುವವರಲ್ಲ' ಎಂದಾಗ 'ಶಿಕ್ಷೆ ನೀಡಲಾಗುವುದು' ಎಂದು ಭಯ ಹುಟ್ಟಿಸಲಾಯಿತು.

ಎಚ್ಚರದಿಂದ ಎಣಿಸಿದ ಒಬ್ಬ ಮೀನುಗಾರ ತನ್ನ ಲೆಕ್ಕವನ್ನು ಸ್ವಲ್ಪ ತಡವಾಗಿ ಒಪ್ಪಿಸಿದನು.

ಏನೂ ಎಣಿಸದ ಮೀನುಗಾರನೊಬ್ಬ 'ಇಷ್ಟು ಮೀನುಗಳಿವೆ' ಎಂದು ಲೆಕ್ಕ ಒಪ್ಪಿಸಿದನು.

ಹೀಗೆ ಹಲವರು ಸುಳ್ಳು ಲೆಕ್ಕ ಕೊಟ್ಟರು.

*

ಹೆಚ್ಚು ಲೆಕ್ಕ ನೀಡಿದ ಮೀನುಗಾರರಿಂದಾಗಿ ಯಜಮಾನನಿಗೆ ಪ್ರಶಂಸೆಗಳ ಸುರಿಮಳೆಯಾಯಿತು.

ಸನ್ಮಾನ ಸಮಾರಂಭದಲ್ಲಿ ಹೆಚ್ಚು ಹೆಚ್ಚು ಸಂಖ್ಯೆ ನೀಡಿದ ಮೀನುಗಾರರನ್ನು ಯಜಮಾನನು ಬಾಯ್ತುಂಬ ಹೊಗಳಿದನು.

*

ಕಾಜೂರು ಸತೀಶ್