ಅಶ್ಲೀಲತೆ ಎನ್ನುವುದು ಏನಾದರೂ ಇರುತ್ತದೆಯೇ? ಯಾವುದು ನಿಸರ್ಗದಲ್ಲಿ ಚಾಲ್ತಿಯಲ್ಲಿರುತ್ತದೋ, ಅದನ್ನು ಅನುಕರಿಸುವ/ಬಹಿರಂಗಗೊಳಿಸುವ ಕ್ರಮವನ್ನು obscene ಎಂದು ಹೇಳಬೇಕೆನಿಸುವುದಿಲ್ಲ ನನಗೆ.
ಕಲೆಯನ್ನು ಆಸ್ವಾದಿಸಲು ಅರಿಯದ ಮಂದಿಯೊಳಗೆ ಈ ಅಶ್ಲೀಲತೆ ಉಳಿದುಕೊಂಡಿರುತ್ತದೆ. ಮನುಷ್ಯೇತರ ಜೀವಿಗಳ ನಡುವೆ ಅದಿಲ್ಲವೆಂದಾದಲ್ಲಿ ಅಶ್ಲೀಲತೆಯು ನಮ್ಮ ಗ್ರಹಿಕೆಯ ಕ್ರಮದ ಬಾಲಿಶತನ ಎಂದು ನನಗನ್ನಿಸುತ್ತದೆ.
ಅಶ್ಲೀಲತೆಯು ದೇಹ ಮತ್ತು ಕಾಮಗಳಿಗೆ ಸಂಬಂಧಿಸಿದ ಸಂಗತಿ ಅಲ್ಲ. ಯಾವುದರಿಂದ ಸಮಾಜಕ್ಕೆ ಅಪಾಯಕಾರಿಯಾದ ವರ್ತನೆಗಳು ಹುಟ್ಟಿಕೊಳ್ಳುತ್ತವೋ ಅದು ಅಶ್ಲೀಲ.ಅತ್ಯಾಚಾರ, ಜಾತಿವಾದ, ಧರ್ಮಾಂಧತೆ, ಭ್ರಷ್ಟಾಚಾರ, ಭಯೋತ್ಪಾದನೆ, ಲಂಚಗುಳಿತನಗಳು ನಮ್ಮೆದುರಿಗಿನ ನಿಜವಾದ ಅಶ್ಲೀಲತೆಗಳು.
ಜಗತ್ತಿನ ಹಲವು ದೇಶ ಭಾಷೆಗಳ ಸಿನಿಮಾ ಲೋಕದ ಒಳಗಿಳಿದ ಮೇಲೆ, 'ಅಶ್ಲೀಲತೆಯನ್ನು ಕಲೆ ಎಂಬ ದಿವ್ಯ ಶಕ್ತಿಯು ಅಳಿಸಿಹಾಕುತ್ತದೆ' ಎಂಬ ಅರಿವು ನನ್ನೊಳಗೆ ಮೆತ್ತಿಕೊಂಡಿದೆ.
*
ಕಾಜೂರು ಸತೀಶ್
No comments:
Post a Comment