ಕೆಂಪು ಹಸ್ತಗಳು

ಮೊದಲ ಬಾರಿಗೆ 

ನೋಡಿದೆ ನಾನು 

ಭ್ರಮರವೊಂದು 

ಕಮಲವಾಗುವುದನ್ನು 

ಕಮಲವು 

ನೀಲ ಕೊಳವಾಗುವುದನ್ನು 

ಮತ್ತೆ ಈ ನೀಲ ಕೊಳ 

ಅಸಂಖ್ಯ ಬಿಳಿಹಕ್ಕಿಗಳಾಗುವುದನ್ನು 

ಮತ್ತೆ ಬಿಳಿಹಕ್ಕಿಗಳೆಲ್ಲ 

ಕೆಂಪು ಆಗಸವಾಗುವುದನ್ನು 

ಆಮೇಲೆ ಆಗಸವು ಬದಲಾಗಿ 

ನಿನ್ನ ಕೆಂಪು ಕರಗಳಲ್ಲಿ ಹನಿಯುವುದನ್ನು 

ಮತ್ತು ಈ ನನ್ನ ಕಣ್ಣುಗಳನ್ನು ಮುಚ್ಚಿದಾಗ 

ಕಣ್ಣಹನಿಗಳೆಲ್ಲ ಕನಸಾಗಿ ಬದಲಾಗುವುದನ್ನು 

ನೋಡಿದೆ ನಾನು ಮೊದಲ ಬಾರಿ ನೋಡಿದೆ 

*

ಹಿಂದಿ ಮೂಲ -ಸರ್ವೇಶ್ವರ ದಯಾಳ್ ಸಕ್ಸೇನಾ 

ಕನ್ನಡಕ್ಕೆ - ಕಾಜೂರು ಸತೀಶ್