ಸ್ತ್ರೀ

ಕೊತಕೊತ ಕುದಿದು ಬೆಂದ
ಅನ್ನ ಬಸಿಯುವಾಗಲೂ..

ಮೂಗು ಬಾಯಿ ಕಟ್ಟಿ
ಬಲೆ ಹೊಡೆಯುವಾಗಲೂ..

ಮೇಯುವ ಕೋಳಿಮರಿಗಳ ಹಿಡಿಯ ಬಂದ
ಗಿಡುಗವನ್ನೋಡಿಸುವಾಗಲೂ..

ಕೊಟ್ಟಿಗೆಯಲ್ಲಿ ಸೆಗಣಿ ಬಾಚುವಾಗಲೂ..

ಇವೆಲ್ಲಾ ಬದುಕಿರುವವರ ಪಾಲಿನ ಅನಂತ ಸಾಧ್ಯತೆಗಳೆಂದು
ಹತ್ತನೇ ತರಗತಿಯ ಫಲಿತಾಂಶ ನೋಡಿ ಬಂದ
ಮಗುವಿಗೆ ಹೇಳಿದಂತೆ ಅಮ್ಮ ನೆನಪಿಸುತ್ತಿದ್ದಳು

ಮಂಚದ ಕೆಳಗೆ
ಬಿಳಿವಸ್ತ್ರದೊಳಗೆ ಮಲಗಿರುವ
ಅಜ್ಜಿಯ ಮುಖವನ್ನು ಗೀಚುವ
ನಾನದನ್ನು ಕೇಳಿಸಿಕೊಳ್ಳುತ್ತಲೇ ಇಲ್ಲ!

*

 ಮಲಯಾಳಂ ಮೂಲ- ವಿದ್ಯಾ ಪೂವಂಚೇರಿ

 ಕನ್ನಡಕ್ಕೆ- ಕಾಜೂರು ಸತೀಶ್