ಸೂಜಿಗಣ್ಣಿಗೆ ಒಳಹೊರಗಿಲ್ಲ

ಡಾ. ಕೃಷ್ಣ ಗಿಳಿಯಾರ್ ಅವರ ಸೂಜಿಗಣ್ಣಿಗೆಒಳಹೊರಗಿಲ್ಲ ಕವನ ಸಂಕಲನದ ಕೆಲವು ಪಂಚಿಂಗ್ 'ಹನಿ'ಗಳು:

ನಿಂತ ಗಡಿಯಾರ ಕೂಡ
ದಿನದಲ್ಲಿ
ಎರಡು ಬಾರಿ
ಸರಿಯಾದ ಸಮಯ
ತೋರಿಸುತ್ತೆ-
ಹಾಗಾಗಿ
ಇದು
ಕವಿತೆಯಲ್ಲ!

*
ನೀ ಬಂದಾಗ ಬಾಗಿಲಿಕ್ಕಿದರೆ
ತೆರೆಯುವವರೆಗೆ
ಕಾಯಬೇಡ
ಒಳಗೆ
ಬಂದುಬಿಡು.
*
ನಾಕೇ ಗೆರೆ ಏನನ್ನೋ ಹೇಳಹೊರಡುತ್ತದಾದರೆ
ಖಾಲಿ ಹಾಳೆಯದೂ ಎರಡು ಮಾತಿರಬಹುದು.
*
ನೆರಳಿಗೆ ಹೆದರಿ
ಆರಿಸಲು ಹೋದವನ
ತಲೆ ಮೇಲೆ
ದೀಪ ಇಟ್ಟು
ಬುದ್ಧ
ನಕ್ಕ.
*
ಈ ಕಗ್ಗಾಡಿನಲ್ಲಿ
ಕೊಡಲಿ ಗರಗಸ ಶಬ್ದ
ಕೇಳದ ದಿನಗಳು
ಇಲ್ಲವೇ ಇಲ್ಲ.
*
ಅದೇ ಜಾಗ, ನದಿ
ಎಂಬ
ನನ್ನ
ಬೇಸರಕ್ಕೆ
ನೀರು
ನಕ್ಕಿತು.
*

ಕಾಜೂರು ಸತೀಶ್