ಈಜು

ತಿಮ್ಮ ಮೊದಲು ಕೆರೆಯಲ್ಲಿ ಈಜಲು ಕಲಿತ; ಅಲ್ಲೇ ತರಬೇತುದಾರನಾದ.

ಆಮೇಲೆ ನದಿಯಲ್ಲೂ, ಸಮುದ್ರದಲ್ಲೂ , ಸಾಗರದಲ್ಲೂ ಈಜಲು ಕಲಿತ.

ತಿಮ್ಮನ ಗೆಳೆಯ ರಾಜ ಶ್ರೀಮಂತ ಮನೆತನದವ. ಅವನು ನೇರವಾಗಿ ಸಮುದ್ರದಲ್ಲಿ ಈಜಲು ಕಲಿತು ಅಲ್ಲೇ ತರಬೇತುದಾರನಾದ. 

ತಿಮ್ಮ ಸಾಯುವಾಗಲೂ ಕೆರೆಯಲ್ಲೇ ಈಜುಕಲಿಸುತ್ತಿದ್ದ. ಅವನಿಗೆ ಕೆರೆ ತೀರಾ ಚಿಕ್ಕದೆನಿಸಿ ಉಸಿರುಗಟ್ಟಿ ಸತ್ತಿದ್ದ. 

ಅವನನ್ನು ಬಾವಿಯಲ್ಲಿ ಈಜುಕಲಿಸಲು ನಿಯೋಜಿಸುವ ಸರ್ಕಾರದ ಕನಸು ಕಡೆಗೂ ಈಡೇರಲೇ ಇಲ್ಲ.

*

ಕಾಜೂರು ಸತೀಶ್