ಆಕಾಶ

ಆಕಾಶ ಕುಸಿದುಬೀಳುತ್ತದೆ ಎಂಬ ಸುದ್ದಿ ಕೇಳಿದ್ದೇ ತಡ ಸುರಕ್ಷಿತ ಸ್ಥಳವನ್ನು ಹುಡುಕಿ ನನ್ನ ಹೆಂಡತಿ ಮಕ್ಕಳೊಂದಿಗೆ ಹೊರಟೆ.

ಎಲ್ಲೇ ಹೋದರೂ ಸರಿ ಬದುಕುಳಿಯಬೇಕು. ಏನು ಮಾಡುವುದು? ಆಕಾಶ ಬೀಳುವಾಗ ಕಂಬಕೊಟ್ಟು ನಿಲ್ಲಿಸೋಣವೆಂದರೆ ಆ ಕೆಲಸಕ್ಕೆ ಸುಮಾರು ಖರ್ಚು ಬೀಳುತ್ತದೆ.

ಕೊನೆಗೆ, 'ದ್ರಾಕ್ಷಿ ಹುಳಿಯಾಗಿದೆ' ಎಂದ ನರಿ ನನ್ನ ರಕ್ಷಣೆಗೆ ಬಂತು. ಅದೊಂದು ಉಪಾಯ ಹೇಳಿಕೊಟ್ಟಿತು.ಆಕಾಶವನ್ನು ಯಾರು ಬೀಳಿಸುವರೋ ಅವರ ಜೊತೆಗೆ ಸೇರಿಕೊಳ್ಳಿ. ಸ್ವತಃ
ಜೀವವನ್ನು ರಕ್ಷಿಸಿಕೊಳ್ಳದೆ ಯಾರೂ ಆ ಕೆಲಸವನ್ನು ಮಾಡುವುದಿಲ್ಲ.

ಈಗ ಅದೇ ಮಾರ್ಗ ಹಿಡಿದು ಹೊರಟಿದ್ದೇನೆ!
*

ಮಲಯಾಳಂ ಮೂಲ- ಸಿ. ರಾಧಾಕೃಷ್ಣನ್

ಕನ್ನಡಕ್ಕೆ- ಕಾಜೂರು ಸತೀಶ್