Saturday, February 4, 2017

ಸ್ಮಶಾನದ ಕುತ್ತಿಗೆಗಳು

ಕುತ್ತಿಗೆ ರಹಸ್ಯ ಹೇಳಿತು.

ಸಹಿಸಲಾಗದೆ ನರ ಉಗುರಿಗೆ ಹೇಳಿತು
ತಾಳಲಾರದೆ ಉಗುರು ಬೆಳೆಯತೊಡಗಿತು
ಬೆಳೆದೂ ಬೆಳೆದೂ ಶರೀರದಿಂದ ಹೊರಬಂದು ಹಿಚುಕಿದಾಗ
ರಹಸ್ಯಗಳೆಲ್ಲ ಬಟಾಬಯಲು.

ಕುತ್ತಿಗೆ ನರದ ಜೊತೆ ಮಾತು ಬಿಟ್ಟಿತು.

ಈಗ ಉಗುರು ಬೆಳೆಯುತ್ತಿಲ್ಲ
ಹೊರಜಗತ್ತಿಗೆ ರಹಸ್ಯಗಳು ತಿಳಿಯುತ್ತಿಲ್ಲ.

ಉಳಿದ ರಹಸ್ಯಗಳನ್ನೆಲ್ಲ
ಕತ್ತು ಸ್ಮಶಾನದೊಂದಿಗೆ ಉಸುರಿತು
ಆಲಿಸಿದ ಸ್ಮಶಾನ ಕತ್ತನ್ನು ಪ್ರೀತಿಸಲಾರಂಭಿಸಿತು.

ಸುಮಾರು ಕಾಲವಾಯಿತು
ಸ್ಮಶಾನಕ್ಕೆ ಸಾವಿನ ಮೌನ.
*

ಮಲಯಾಳಂ ಮೂಲ- ಜಿನು ಕೊಚ್ಚುಪ್ಲಾಮೂಟ್ಟಿಲ್

ಕನ್ನಡಕ್ಕೆ- ಕಾಜೂರು ಸತೀಶ್

No comments:

Post a Comment

ಇರುಳ ಹಿಂಡಿ ಬೆಳಕ ಹರಡಿ

ಇಡೀ ರಾತ್ರಿ ಹಳೆಯ ಬಟ್ಟೆಗಳನ್ನು ತಂದು ಮುಳುಗಿಸಿ ಸ್ವಲ್ಪ ಸ್ವಲ್ಪವೇ ಹಿಂಡತೊಡಗಿದೆ ಮನೆಯ ಹಿಂದಿರುವ ತೊಟ್ಟಿಯಲ್ಲಿ. ಸಾಕುಸಾಕಾಗಿ ಹೋಯ್ತು... ಆಕಾಶ, ಭೂಮಿಗಳಿಗೆ ...