Thursday, May 1, 2014

ಸಾವಿರ ವರ್ಷ ಕಳೆದು

ಒಲೆಯಲ್ಲಿ ಸೌದೆ ಎಸೆಯುತ್ತೇನೆ
ರಾತ್ರಿಯ ಬೆಂಕಿಕಿಡಿಗಳನ್ನು ಸ್ವಾಗತಿಸುತ್ತೇನೆ
ಬೆಂಕಿಯ ಕಿಡಿಗಳು ಮೌನದಿಂದಾಚೆ
ಸೂಪುಮಾಡುವ ಮಹಿಳೆಯೊಬ್ಬಳ
ಕಣ್ರೆಪ್ಪೆಗಳಿಗೆ ತಲುಪುತ್ತವೆ.
ಸಾವಿರ ಸಾವಿರ ವರ್ಷಗಳಾದವು-
ಉಮ್ಮ ಇದನ್ನೇ ಪುನರಾವರ್ತಿಸುತ್ತಿದ್ದಾಳೆ.
ಅವಳು ಬೆಂಕಿಗೆಸೆದುಹೋದ
ನಮ್ಮ ಉಪ್ಪುಪ್ಪರನ್ನು ಹೊಗಳುತ್ತಾಳೆ.
ಅವರನ್ನು- ಅವಳ ಒಲೆಯ
ಸುಗಂಧದ ಹೊಗೆಯಾಗಲು ಆಹ್ವಾನಿಸುತ್ತಾಳೆ.
ಅವರೊಂದಿಗೆ ಮಾತನಾಡುತ್ತಾಳೆ,ನಗುತ್ತಾಳೆ.
ನಮಗವರು ಕಾಣಿಸುತ್ತಿದ್ದಾರೊ ಇಲ್ಲವೊ ತಿಳಿಯಲು
ನಮ್ಮತ್ತ ತಿರುಗಿ ನೋಡುತ್ತಾಳೆ
'ಊಂ... ಅವರು ನಿಜಕ್ಕೂ ಇದ್ದಾರೆ'!

ಅವರ ಸುಟ್ಟುಹೋದ ನಾಲಗೆಗಳು
ರಾತ್ರಿಯೂಟದೆಡೆಗೆ ತೆರಳಲಿ
ನಾವು ನಮ್ಮ ಹುಚ್ಚುನಗುವಿನ
ತಾಳದೊಂದಿಗೆ ನೃತ್ಯ ಮಾಡುವಂತಾಗಲಿ.


* *

ಮೂಲ.: ನಜೆತ್ ಅದೌನಿ[ಟ್ಯುನೀಷಿಯಾ]

ಮಲಯಾಳಂ ಅನುವಾದ: ಕೆ. ಸಚ್ಚಿದಾನಂದನ್

ಕನ್ನಡಕ್ಕೆ: ಕಾಜೂರು ಸತೀಶ್

No comments:

Post a Comment

ಅನ್ಯಾಯ

ಲೋಕ ನುಂಗಿದವನ ಕಾಲಡಿಗೆ ಒಂದು ಬಾಳೆಹಣ್ಣು ಕದ್ದು ಸಿಪ್ಪೆ ಎಸೆದವನ ಕೊರಳಿಗೆ ಒಂದು ಹಗ್ಗವನ್ನು ಅಂಟಿಸುವುದಾದರೆ ಆ ಹಗ್ಗ ನೇಯ್ದವನ ಬೆವರು ಅನ್ಯಾಯವಾಗಿ ಆತ್ಮಹತ್ಯೆ ಮಾ...