ನೆಕ್ಕಿ ನೋಡಿದ ಸೂರ್ಯ
'ಸಪ್ಪೆ' ಎನುತ ಇವಳೊಡನೆ ಕೆಂಡಾಮಂಡಲನಾದ.
ಈಗ 'ಉಪ್ಪು' ಎನ್ನುತ್ತಾ ಮೋಡಗಳ ಹುಡುಕುತ್ತಿದ್ದಾನೆ.
*
ಹೊಲದ ಬಿರುಕು ಪಾದಗಳ ನೆಕ್ಕಿದ ಸೂರ್ಯ
'ಇನ್ನೆಷ್ಟು ಒಡೆದು ಆಳಬಹುದು' ಯೋಚಿಸುತ್ತಿದ್ದಾನೆ.
*
ನಿಂತಲ್ಲೇ ಮೂರ್ಛೆಹೋಗಿದೆ ಮರ
ಉಪಚರಿಸುವ ನೆಪದಲ್ಲಿ ಬೆತ್ತಲಾಗಿಸಿದ್ದಾನೆ ಸೂರ್ಯ.
*
ಅವನಿಗೆ 'ಕಪ್ಪು' ಎಂದರೆ ತುಂಬುಪ್ರೀತಿ
ಒಣ ಕುಂಚದ ಬಿಳಿರೋಮದ ತುದಿಯಲ್ಲಿನ್ನೂ
ಕಡುಗಪ್ಪು ಹಾಗೇ ಉಳಿದಿದೆ.
*
'ಬಿಸಿಲಲ್ಲಿ ನೆನೆವವರು ಬೇಕಾಗಿದ್ದಾರೆ'
ಬಂಗಲೆಗಳ ಹೊರಗೆ ಬೋರ್ಡು ನೇತುಹಾಕಿದ್ದಾನೆ ಕವಿ.
ಕಾದೂ ಕಾದ ಅವನೀಗ ಥೇಟ್ ಕಪ್ಪು ಡಾಂಬರು ರಸ್ತೆ.
ಅವರೆಲ್ಲ ಕಾರು ಓಡಿಸಿಕೊಂಡು ಹೋಗುತ್ತಿದ್ದಾರೆ.
*
ಮುಟ್ಟಿದ್ದನ್ನೆಲ್ಲ ಅಳುವಂತೆ ಮಾಡಿಯಾದ ಮೇಲೆ
ಕಾಡಿನ ಮೌನವನ್ನೂ ಸಹಿಸದ ಸೂರ್ಯ
ಹೊಟ್ಟೆಕಿಚ್ಚಿನ ಕಿಡಿಹಚ್ಚಿ ಬಂದಿದ್ದಾನೆ.
*
ಕೆಲಸವಿಲ್ಲದ ನದಿಯೀಗ ಪ್ರಜೆಗಳಾಗಿ 'ಗುಸುಗುಸು ಪಿಸಪಿಸ'.
ಲೋಕದ ಸದನದಲ್ಲಿ ಸೂರ್ಯನದ್ದೇ 'ಚುರ್ರ್ಚುರ್ರ್' ಸಂಗೀತ.
*
ಕಾಜೂರು ಸತೀಶ್
'ಸಪ್ಪೆ' ಎನುತ ಇವಳೊಡನೆ ಕೆಂಡಾಮಂಡಲನಾದ.
ಈಗ 'ಉಪ್ಪು' ಎನ್ನುತ್ತಾ ಮೋಡಗಳ ಹುಡುಕುತ್ತಿದ್ದಾನೆ.
*
ಹೊಲದ ಬಿರುಕು ಪಾದಗಳ ನೆಕ್ಕಿದ ಸೂರ್ಯ
'ಇನ್ನೆಷ್ಟು ಒಡೆದು ಆಳಬಹುದು' ಯೋಚಿಸುತ್ತಿದ್ದಾನೆ.
*
ನಿಂತಲ್ಲೇ ಮೂರ್ಛೆಹೋಗಿದೆ ಮರ
ಉಪಚರಿಸುವ ನೆಪದಲ್ಲಿ ಬೆತ್ತಲಾಗಿಸಿದ್ದಾನೆ ಸೂರ್ಯ.
*
ಅವನಿಗೆ 'ಕಪ್ಪು' ಎಂದರೆ ತುಂಬುಪ್ರೀತಿ
ಒಣ ಕುಂಚದ ಬಿಳಿರೋಮದ ತುದಿಯಲ್ಲಿನ್ನೂ
ಕಡುಗಪ್ಪು ಹಾಗೇ ಉಳಿದಿದೆ.
*
'ಬಿಸಿಲಲ್ಲಿ ನೆನೆವವರು ಬೇಕಾಗಿದ್ದಾರೆ'
ಬಂಗಲೆಗಳ ಹೊರಗೆ ಬೋರ್ಡು ನೇತುಹಾಕಿದ್ದಾನೆ ಕವಿ.
ಕಾದೂ ಕಾದ ಅವನೀಗ ಥೇಟ್ ಕಪ್ಪು ಡಾಂಬರು ರಸ್ತೆ.
ಅವರೆಲ್ಲ ಕಾರು ಓಡಿಸಿಕೊಂಡು ಹೋಗುತ್ತಿದ್ದಾರೆ.
*
ಮುಟ್ಟಿದ್ದನ್ನೆಲ್ಲ ಅಳುವಂತೆ ಮಾಡಿಯಾದ ಮೇಲೆ
ಕಾಡಿನ ಮೌನವನ್ನೂ ಸಹಿಸದ ಸೂರ್ಯ
ಹೊಟ್ಟೆಕಿಚ್ಚಿನ ಕಿಡಿಹಚ್ಚಿ ಬಂದಿದ್ದಾನೆ.
*
ಕೆಲಸವಿಲ್ಲದ ನದಿಯೀಗ ಪ್ರಜೆಗಳಾಗಿ 'ಗುಸುಗುಸು ಪಿಸಪಿಸ'.
ಲೋಕದ ಸದನದಲ್ಲಿ ಸೂರ್ಯನದ್ದೇ 'ಚುರ್ರ್ಚುರ್ರ್' ಸಂಗೀತ.
*
ಕಾಜೂರು ಸತೀಶ್
