ಮದುವೆ ಊಟ

ಸುಡುವ ಈ ಬೇಸಿಗೆಯಲ್ಲಿ ಎಷ್ಟೋ ಮದುವೆಗಳಲ್ಲಿ ಭಾಗಿಯಾಗಿದ್ದೇನೆ. ಮತ್ತಷ್ಟೂ ಸುಡುವ ಅಲ್ಲಿನ ಅಡುಗೆ ಕೋಣೆಗಳಲ್ಲಿ ಬೆವರಿನ ಮಳೆ ಸುರಿಸುವ ಕೆಲಸಗಾರರನ್ನು ನೋಡಿದ್ದೇನೆ.

ನೀವು ನಂಬಲಾರಿರಿ: ನಾವು ಉಣ್ಣುವ ಮದುವೆ ಊಟದಲ್ಲಿ ಅವರ ಬೆವರಿನ ಒಂದು ಹನಿಯಾದರೂ ಜಾಗ ಪಡೆದುಕೊಂಡಿರುತ್ತದೆ! ಅಷ್ಟೆಲ್ಲ ಜನಗಳಿಗೆ ಬೇಯಿಸಿ ಹಾಕುವುದೆಂದರೇನು ಸಾಮಾನ್ಯ ಕೆಲಸವೇ?

ಲಿಪ್ಸ್ಟಿಕ್ ಬಳಿದು ಬಂದು ಎರಡೇ ಎರಡು ಬೆರಳುಗಳಲ್ಲಿ ಸ್ವಲ್ಪ ತಿಂದು ಮುಕ್ಕಾಲು ಭಾಗವನ್ನು ತಟ್ಟೆಯಲ್ಲೇ ಉಳಿಸಿಬರುವ ಈ ಕಾಲದ ಹುಡುಗಿಯರ ಮೇಲೆ ಇನ್ನಿಲ್ಲದ ಸಿಟ್ಟು ಬರುತ್ತದೆ.