Tuesday, August 2, 2016

ಗಾಳ

ಅಲೆಗಳ ಮೇಲಿನ ಹಳಿಗಳ ಮೇಲೆ
ಕೊನೆ ಮೊದಲಿಲ್ಲದ ರೈಲೊಂದು ಚಲಿಸುತ್ತಿದೆ
ಬೋಗಿಗಳ ತುಂಬೆಲ್ಲ ಜನವೋ ಜನ.

ಗಾಳ ಹಾಕುತ್ತಿದ್ದಾರೆ ಕೆಲವರು
ಕಿಟಕಿಗಳ ಮೂಲಕ.

ಶಾರ್ಕುಗಳು
ತಿಮಿಂಗಿಲಗಳು
ಸಣ್ಣಪುಟ್ಟ ಮೀನುಗಳು
ಸಿಲುಕಿಕೊಳ್ಳುತ್ತಿವೆ ಗಾಳಕ್ಕೆ.

ಸಿಲುಕಿಕೊಂಡ ಮೀನುಗಳ ಮೇಲೆತ್ತದೆ
ನೀರಲ್ಲೇ ಎಳೆದಾಡುತ್ತಾ ಸುಖಿಸುತ್ತಿದ್ದಾರೆ ಕೆಲವರು
ದೈತ್ಯ ಮೀನುಗಳ ಎಳೆಯಲಾರದೆ
ದುಃಖಿಸುತ್ತಿದ್ದಾರೆ ಕೆಲವರು.

ಕೆಲವು ಗಾಳಕ್ಕೆ ಮಾತ್ರ ಏನೂ ಸಿಕ್ಕಿಹಾಕಿಕೊಳ್ಳುತ್ತಿಲ್ಲ.

ಸಾಗುತ್ತಿದೆ ಕಡಲ ರೈಲು...
ನನ್ನ ಬಳಿ ಒಂದೂ ಗಾಳವಿಲ್ಲ
ಎಸೆಯುತ್ತಿದ್ದೇನೆ ನನ್ನನ್ನೇ
ಕಿಟಕಿಯಿಂದಾಚೆಗೆ!
*

ಮಲಯಾಳಂ ಮೂಲ- ಸೆಬಾಸ್ಟಿಯನ್

ಕನ್ನಡಕ್ಕೆ- ಕಾಜೂರು ಸತೀಶ್

No comments:

Post a Comment

ನಷ್ಟ

ಮೊದಲ ನೋಟದಲ್ಲಿ ಅಥವಾ ಪ್ರೀತಿಯ ಮೊದಲ ಪರ್ವದಲ್ಲಿ ನನಗೆ ನನ್ನ ಕಣ್ಣುಗಳು ನಷ್ಟವಾದವು. ಎರಡನೇ ಭೇಟಿಯಲ್ಲಿ ಅಥವಾ ಪ್ರೀತಿಯ ಮಧ್ಯ ಪರ್ವದಲ್ಲಿ ನನಗೆ ನನ್ನ ಹೃದಯ ನ...