Monday, May 9, 2016

ಅರಿಶಿಣ ಹಚ್ಚಿ ಸ್ನಾನ ಮಾಡುತ್ತಾಳೆ

ಅರಿಶಿಣ ಹಚ್ಚಿ ಸ್ನಾನ ಮಾಡುತ್ತಾಳೆ
ಹುಡುಗಿ
ಅರಿಶಿಣ ಹಚ್ಚಿ ಸ್ನಾನ ಮಾಡುತ್ತಾಳೆ

ಕಣ್ಣು ಕಾಣದ ಹುಡುಗಿ
ಅರಿಶಿಣ ಹಚ್ಚಿ ಸ್ನಾನ ಮಾಡುತ್ತಾಳೆ

ಕಚ್ಚಿ ಎಳೆಯುತ್ತವೆ ಅವಳ
ಬೆಳದಿಂಗಳ ಎಳೆಹಳದಿಯ ಕಣ್ಣುಗಳು

ಅವಳ ದೇಹ
ಹಳದಿ ಲೋಹ

ಅರಿಶಿಣದ ಘಮಘಮ
ಮೈಯ ತುಂಬ

ಹೊಕ್ಕುಳಲ್ಲೀಗ ಕಪ್ಪಾಗಿ ಬೆಳೆಯುತ್ತಿದೆ
ಒಂದು ಅರಿಶಿಣ ಗಿಡ.



ಮಲಯಾಳಂ ಮೂಲ-
ಚಿತ್ರ ಕೆ.ಪಿ.

ಕನ್ನಡಕ್ಕೆ-
ಕಾಜೂರು ಸತೀಶ್

No comments:

Post a Comment