ಮುದ್ದಿಸಿ ಮುದ್ದಿಸಿ ದಣಿಯುತ್ತೇನೆ

ನಾನು ನನ್ನನ್ನೇ ಮುದ್ದಿಸಿ ಮುದ್ದಿಸಿ ದಣಿದು
ನನ್ನನ್ನೇ ತಿರಸ್ಕರಿಸಬೇಕೆಂದುಕೊಳ್ಳುತ್ತೇನೆ.

'ತಿರಸ್ಕರಿಸ್ತೀಯಾ?' ಅಂತ
ನನ್ನನ್ನೇ ಕೇಳಿಕೊಳ್ಳುತ್ತೇನೆ.

'ತಿರಸ್ಕರಿಸದೆ ಇರಲು ಸಾಧ್ಯವಿಲ್ವಾ?' ಅಂತ
ಕೇಳುತ್ತೇನೆ.

ಕೇಳಿ ಕೇಳಿ ಮುದ್ದಿಸುತ್ತೇನೆ
ಮುದ್ದಿಸಿ ಮುದ್ದಿಸಿ ದಣಿಯುತ್ತೇನೆ.

ಈಗಲೇ ತಿರಸ್ಕರಿಸಿಬಿಡೋಣ ಅಂತ
ಅಂದುಕೊಳ್ಳುತ್ತೇನೆ.

'ಈಗ್ಲೇನಾ?' ಅಂತ ಕೇಳುತ್ತೇನೆ.

'ಸ್ವಲ್ಪ ಹೊತ್ತಾದ ಮೇಲೆ ಆಗಲ್ವಾ?' ಅಂತ ಕೇಳುತ್ತೇನೆ.

ಕೇಳಿ ಕೇಳಿ ಮುದ್ದಿಸುತ್ತೇನೆ
ಮುದ್ದಿಸಿ ಮುದ್ದಿಸಿ ದಣಿಯುತ್ತೇನೆ.
*

ಮಲಯಾಳಂ ಮೂಲ- ವಿಷ್ಣು ಪ್ರಸಾದ್

ಕನ್ನಡಕ್ಕೆ- ಕಾಜೂರು ಸತೀಶ್