Sunday, May 8, 2016

ಚೆಲ್ಲಾಪಿಲ್ಲಿ

ಹೊರಗಿಳಿಯುವಾಗ
ಹೊಸಿಲ ಬಳಿ
ಒಂದು ಪಾರಿವಾಳದ ಶವ.
ತಟ್ಟಿ ಆಟವಾಡುತ್ತಿತ್ತು ನಾಯಿ
ಕಚ್ಚಿ ಎಳೆದಾಡುತ್ತಿತ್ತು.

ಹಿಂತಿರುಗಿದಾಗ
ನಾಯಿ ಇರಲಿಲ್ಲ
ಪಾರಿವಾಳವೂ.

ಕೆಲವು ಗರಿಗಳು
ಚೆಲ್ಲಾಪಿಲ್ಲಿಯಾಗಿ ಬಿದ್ದಿದ್ದವು.

ತುಳಿಯದೆ
ಮನೆಯೊಳಗೆ ಹೋಗಿ
ಬಾಗಿಲು ಮುಚ್ಚಿದೆ.

ಒಳಗಿರೋದೆಲ್ಲ
ಚೆಲ್ಲಾಪಿಲ್ಲಿ !


ಮಲಯಾಳಂ ಮೂಲ-
ಚಿತ್ರ ಕೆ.ಪಿ.

ಕನ್ನಡಕ್ಕೆ-
ಕಾಜೂರು ಸತೀಶ್

No comments:

Post a Comment

ಅನ್ಯಾಯ

ಲೋಕ ನುಂಗಿದವನ ಕಾಲಡಿಗೆ ಒಂದು ಬಾಳೆಹಣ್ಣು ಕದ್ದು ಸಿಪ್ಪೆ ಎಸೆದವನ ಕೊರಳಿಗೆ ಒಂದು ಹಗ್ಗವನ್ನು ಅಂಟಿಸುವುದಾದರೆ ಆ ಹಗ್ಗ ನೇಯ್ದವನ ಬೆವರು ಅನ್ಯಾಯವಾಗಿ ಆತ್ಮಹತ್ಯೆ ಮಾ...