Thursday, May 5, 2016

ಜೊಂಪು

ಬೀದಿಯಲ್ಲೊಂದು
ಮಗು ಮಲಗಿದೆ
ಜೊತೆಗೊಂದು
ನಾಯಿಮರಿಯೂ.

ಎಂಥಾ ಚಳಿ!
ಒಬ್ಬರನ್ನೊಬ್ಬರು ಅಪ್ಪಿಕೊಂಡು
ಮುದುರಿ ಮಲಗಿದ್ದಾರೆ.

ಎಷ್ಟು ಹಸಿವು!
ಇಬ್ಬರ ಹೊಟ್ಟೆಯೂ
ಬೆನ್ನಿಗಂಟಿದೆ.

ಅವರಿಬ್ಬರೂ ಕಾಣುವ ಕನಸಿಗೆ
ಸಮೀಪದ ಮನೆಯಲ್ಲಿ
ಹುರಿಯುತ್ತಿರುವ ಮೀನಿನ ವಾಸನೆ
ಲಗ್ಗೆಯಿಟ್ಟಿದೆ.

ಇಬ್ಬರೂ ಅದನ್ನು
ಹೊಟ್ಟೆ ತುಂಬ ಉಂಡಿದ್ದಾರೆ
ಹೊದ್ದು ಮಲಗಿದ್ದಾರೆ.

ಅವರು ಕಾಣುವ ಕನಸಿನ ಹೊರಗೆ
ಕನಸೇ ಕಾಣದ ಒಂದು ಲೋಕವಿದೆ.

ಕನಸು ಕಾಣದ ಲೋಕದ ನೆತ್ತಿಯಲ್ಲಿ
ಯಾವುದೋ ಒಂದು ಮಗು,
ಯಾವುದೋ ಒಂದು ನಾಯಿಮರಿ
ಬಿಸಿಲಲ್ಲಿ ಬೇಯುತ್ತಾ ನಿದ್ರಿಸುತ್ತಿವೆ.
*

ಮಲಯಾಳಂ ಮೂಲ- ಡಾ. ಚಿತ್ರ ಕೆ.ಪಿ.

ಕನ್ನಡಕ್ಕೆ- ಕಾಜೂರು ಸತೀಶ್

No comments:

Post a Comment