Tuesday, May 10, 2016

ಈ ಚಳಿಗಾಲದಲ್ಲಿ

ಕಳೆದ ಚಳಿಗಾಲ ಎಷ್ಟು ಭೀಕರವಾಗಿತ್ತು!
ಈ ಚಳಿಗಾಲ ಅಷ್ಟು ಕಠೋರವಾಗಿರದಿದ್ದರೂ
ನೆನಪಿಸಿಕೊಂಡರೆ ನಡುಕ ಹುಟ್ಟುತ್ತಿದೆ

ಕಳೆದ ಚಳಿಗಾಲದಲ್ಲಿ ಅವ್ವ ತೀರಿಕೊಂಡಳು
ಜೋಪಾನವಾಗಿರಿಸಿದ್ದ ಪ್ರೇಮ ಪತ್ರ ಎಲ್ಲೋ ಕಳೆದುಹೋಯಿತು
ಇದ್ದ ಕೆಲಸವೂ ಹೋಯಿತು
ಆ ರಾತ್ರಿಗಳಲ್ಲಿ ಎಲ್ಲೆಲ್ಲಿ ಅಲೆದೆನೋ
ಯಾರ್ಯಾರಿಗೆ ಕರೆಮಾಡಿದೆನೋ ನೆನಪಿಲ್ಲ
ಇಟ್ಟ ವಸ್ತುಗಳೆಲ್ಲ ಬೀಳುತ್ತಿದ್ದವು ನನ್ನ ಮೇಲೇ.

ಈ ಚಳಿಗಾಲದಲ್ಲಿ
ಕಳೆದ ಚಳಿಗಾಲದಲ್ಲಿ ಧರಿಸಿದ ಬಟ್ಟೆಗಳನ್ನು
ಒಂದೊಂದಾಗಿ ತೆಗೆದು ನೋಡುತ್ತಿದ್ದೇನೆ
ಕಂಬಳಿ, ಟೊಪ್ಪಿ, ಸಾಕ್ಸ್, ಮಫ್ಲರ್,
ಮತ್ತೆ ಮತ್ತೆ ನೋಡುತ್ತಿದ್ದೇನೆ

ಮತ್ತೀಗ ಯೋಚಿಸುತ್ತಿದ್ದೇನೆ
ಈ ಚಳಿಗಾಲ ಯಾಕೆ ಅದರಂತೆ ಕಠೋರವಾಗಿರಬೇಕು
ಅದೆಲ್ಲ ಕಳೆದುಹೋದದ್ದಲ್ಲವೇ?!
**
ಹಿಂದಿ ಮೂಲ- ಮಂಗಲೇಶ್ ಡಬರಾಲ್

ಕನ್ನಡಕ್ಕೆ- ಕಾಜೂರು ಸತೀಶ್

No comments:

Post a Comment

ಅನ್ಯಾಯ

ಲೋಕ ನುಂಗಿದವನ ಕಾಲಡಿಗೆ ಒಂದು ಬಾಳೆಹಣ್ಣು ಕದ್ದು ಸಿಪ್ಪೆ ಎಸೆದವನ ಕೊರಳಿಗೆ ಒಂದು ಹಗ್ಗವನ್ನು ಅಂಟಿಸುವುದಾದರೆ ಆ ಹಗ್ಗ ನೇಯ್ದವನ ಬೆವರು ಅನ್ಯಾಯವಾಗಿ ಆತ್ಮಹತ್ಯೆ ಮಾ...