ಅಜ್ಞಾನಿಯ ದಿನಚರಿ

ಅಳಿಯುತ್ತಿರುವ ಎದೆಯ ಅಕ್ಷರಗಳಿಗೊಂದು ಆಲ್ಬಮ್

Saturday, April 16, 2016

ಹೊರಗೆ

ಬಾಗಿಲು ಮುಚ್ಚಿ ಚಿಲಕ ಹಾಕಿ
ಕವಿತೆ ಬರೆಯಲು ಕುಳಿತೆ.

ಹೊರಗೆ:
ಬೀಸುವ ತಂಗಾಳಿ,
ಹಬ್ಬಿರುವ ತೆಳು ಬೆಳದಿಂಗಳು,
ಮಳೆ ನೆನೆಯುತ್ತಾ ನಿಂತಿರುವ ಒಂದು ಸೈಕಲ್
ಮತ್ತು
ಮನೆಗೆ ಓಡಿಬರುತ್ತಿರುವ ಒಂದು ಮಗು.

ನಾನೊಂದು ಕವಿತೆ ಬರೆದೆ.
ಗಾಳಿಯಿಲ್ಲದ, ಬೆಳದಿಂಗಳಿಲ್ಲದ,
ಸೈಕಲ್ ಇಲ್ಲದ, ಮಗುವಿಲ್ಲದ
ಮತ್ತು
ಬಾಗಿಲೇ ಇಲ್ಲದ ಒಂದು ಕವಿತೆ.
*

ಹಿಂದಿ ಮೂಲ- ಮಂಗಳೇಶ್ ಡಬರಾಲ್

ಕನ್ನಡಕ್ಕೆ- ಕಾಜೂರು ಸತೀಶ್

No comments:

Post a Comment