Monday, May 25, 2015

ನನ್ನಂಥವರು ಹುಟ್ಟಿದ ತಪ್ಪಿಗೆ

ನನ್ನಂಥವರು ಹುಟ್ಟಿದ ತಪ್ಪಿಗೆ
ವಿಷದ ಡಬ್ಬಿಗಳು ಖಾಲಿಯಾಗುತ್ತಿವೆ
ಕುಣಿಕೆಗಳು ಬಿಗಿದು ತುಂಡಾಗುತ್ತಿವೆ.


ನನ್ನಂಥವರು ಹುಟ್ಟಿದ ತಪ್ಪಿಗೆ
ಧರ್ಮಗಳು ಅನಾಥವಾಗುತ್ತಿವೆ
ಜಾತಿಗಳು ಭಿಕ್ಷೆ ಬೇಡುತ್ತಿವೆ.


ನನ್ನಂಥವರು ಹುಟ್ಟಿದ ತಪ್ಪಿಗೆ
ಕಣ್ಣೀರಿಗೆ ಪ್ರವಾಹ ಭೀತಿ
ಮನಸ್ಸುಗಳಿಗೆ ಹಿಸ್ಟೀರಿಯಾ.



ನನ್ನಂಥವರು ಹುಟ್ಟಿದ ತಪ್ಪಿಗೆ
ಕವಿತೆ ಬರೆಸಿಕೊಳ್ಳುತ್ತದೆ
ಅಕ್ಷರಗಳು ಗಾಯಗೊಂಡು ನರಳುತ್ತವೆ.


ನನ್ನಂಥವರು ಹುಟ್ಟಿದ ತಪ್ಪಿಗೆ
ಕೊಲೆಯಾಗುತ್ತಲೇ ಇರುತ್ತೇವೆ
ಇರುವೆಗಳೊಂದಿಗೆ ಸಾಯುತ್ತಲೇ ಇರುತ್ತೇವೆ.
**

-ಕಾಜೂರು ಸತೀಶ್

No comments:

Post a Comment