ಯಾವುದೀ ಮಾತು

ಕಿಟಕಿಯ ಬಳಿ ನಿಂತು
ಚಹಾ ಕುಡಿಯುತ್ತೇನೆ
ಅದರ ರುಚಿ ಹೀರುವಾಗ
ನಾಲಿಗೆ ಒಂದು ಮಾತನ್ನೂ
ಹೊರತಳ್ಳುವುದಿಲ್ಲ.


ಪುನರಾವರ್ತನೆಗೊಳ್ಳುತ್ತಲೇ ಇರುವ
ಒಂದು ಸಣ್ಣ ಎಲೆಯ ಮಾತನ್ನು
ಆಲಿಸುತ್ತೇನೆ.


ನೋಡನೋಡುತ್ತಿದ್ದಂತೆ
ಮಿಕ್ಕೆಲ್ಲಾ ಎಲೆಗಳೂ ತಲೆಯಾಡಿಸುತ್ತಾ
ಅದನ್ನೇ ಅಂಗೀಕರಿಸಿದಂತೆ,
ತಪ್ಪೊಪ್ಪಿಕೊಂಡಂತೆ ನುಡಿಯುತ್ತವೆ.



ಆಗ,
ಗಾಳಿಯಿಲ್ಲದಿದ್ದರೂ
ರೆಂಬೆ-ಕೊಂಬೆಗಳು ಅಲುಗಾಡತೊಡಗುತ್ತವೆ.




**

ಮಲಯಾಳಂ ಮೂಲ- ಸುಜೀಷ್

ಕನ್ನಡಕ್ಕೆ -ಕಾಜೂರು ಸತೀಶ್