Tuesday, September 2, 2014

ನನ್ನ ಪ್ರೀತಿಯ ಸಾವಿಗೆ

ಯಾಕೆ ಓಡಿಹೋಗುತ್ತಿರುವೆ
ಮುದಿ ವಯಸ್ಸಿನ ಮಂದಿಯ ಜೊತೆಗೆ
ಎಳೆ ವಯಸ್ಸಿನ ಮಕ್ಕಳ ಜೊತೆಗೆ .



ಮಳೆಗಾಲದ ಮೀನಿನ ಕಣ್ಣುಗಳನ್ನು ಧರಿಸಿರುವ ನಿನಗೆ
ದಾರಿ ತೋರುವೆ ಬಾ
ಇಕೋ ನನ್ನೆರಡು ಶುಭ್ರ ಕಣ್ಣುಗಳು .



ನೋಡಿಲ್ಲಿ
ತಾರುಣ್ಯವನ್ನು ಹೇಗೆ ಮೈದುಂಬಿ ನಿಂತಿದ್ದೇನೆ ನಾನು .



ಜಾತಿಯಿಲ್ಲದ, ಆಕಾರವೇ ಇಲ್ಲದ
ನೀನೆಂದರೆ ನನಗಿಷ್ಟ.
ಬಾ, ಕೈ ಕೈ ಹಿಡಿದು ಎಲ್ಲಾದರೂ ಓಡಿಹೋಗೋಣ
ಲೋಕಕ್ಕೆ ತಿಳಿಯದ ಹಾಗೆ .



ನೀನೊಂದು ಗಾಳಿಯ ಮುದ್ದೆ
ನಿನ್ನ ಗಾಳಿಬೆರಳು, ಗಾಳಿತುಟಿ
ಗಾಳಿಯದ್ದೇ ಅಂಗಾಂಗ
ನನ್ನ ಕಾದ ಮೈಗೆ ಅದೆಷ್ಟು ಮುದ ನೀಡಬಹುದು !



ಎರಡೇ ಎರಡು ಆಸೆ ನನಗೆ :
ನಿನ್ನೊಂದಿಗೆ ಕೂಡುವುದು
ಮತ್ತು
ನಿನ್ನೊಂದಿಗೆ suicide ಮಾಡಿಕೊಳ್ಳುವುದು !
**

-ಕಾಜೂರು ಸತೀಶ್

No comments:

Post a Comment

ಎಂ ಆರ್ ಕಮಲ ಅವರ ಮಾರಿಬಿಡಿ ಕವನ ಸಂಕಲನದ ಕುರಿತು

ಮಾರಿಬಿಡಿ ಇದು ಎಂ. ಆರ್. ಕಮಲ ಅವರ ನಾಲ್ಕನೆಯ ಕವನ ಸಂಕಲನ. ಉಪಶೀರ್ಷಿಕೆಯೇ ಹೇಳುವಂತೆ ಈ ಕಾಲದ ತಲ್ಲಣ ಗಳಿವು. ಸಂಕಲನವು ಮನುಷ್ಯ ಸಂಬಂಧಗಳು ಈ ಅಂತರ್ಜಾಲ ಯುಗದಲ್ಲಿ ...