Monday, May 19, 2014

ನನ್ನ ತಂಗಿಯ ಬೈಬಲ್

ನನ್ನ ತಂಗಿಯ ಬೈಬಲ್ನಲ್ಲಿರುವುದು:
ಮಾಸಿಹೋದ ರೇಷನ್ ಕಾರ್ಡ್,
ಸಾಲಕೊಳ್ಳುವ ಅರ್ಜಿ ನಮೂನೆ,
ಈಗಾಗಲೇ ಪಡೆದುಕೊಂಡ ಬಡ್ಡಿ ಸಾಲದ ಕಾರ್ಡ್,
ಚರ್ಚು-ದೇವಸ್ಥಾನಗಳ ಪೂಜಾ ಆಮಂತ್ರಣ ಪತ್ರ,
ಅಣ್ಣನ ಮಗುವಿನ ಫೊಟೊ,
ಮಗುವಿಗೆ ಟೋಪಿ ಹೊಲಿಯುವ ಕುರಿತ ಮಾಹಿತಿಯಿರುವ ಹಾಳೆ,
ನೂರು ರೂಪಾಯಿಯ ಒಂದು ನೋಟು,
ಒಂದು ಎಸ್ಸೆಸ್ಸೆಲ್ಸಿ ಪುಸ್ತಕ .




ಅವಳ ಬೈಬಲ್ನಲ್ಲಿಲ್ಲದ್ದು:
ಮುನ್ನುಡಿ ,
ಹಳೆಯ ಮತ್ತು ಹೊಸ ಒಡಂಬಡಿಕೆಗಳು,
ಭೂಪಟಗಳು,
ಕೆಂಪು ರಕ್ಷಾಪುಟ.

**
ಮಲಯಾಳಂ ಮೂಲ- ಎಸ್.ಜೋಸೆಫ್

ಕನ್ನಡಕ್ಕೆ - ಕಾಜೂರು ಸತೀಶ್



No comments:

Post a Comment