ಅಜ್ಞಾನಿಯ ದಿನಚರಿ

ಅಳಿಯುತ್ತಿರುವ ಎದೆಯ ಅಕ್ಷರಗಳಿಗೊಂದು ಆಲ್ಬಮ್

Monday, April 28, 2014

ಪರೀಕ್ಷೆ

-1-


ಹಸಿದ ಹುಡುಗ
ಪರೀಕ್ಷೆಯಲ್ಲಿ
ಅರಮನೆಯ ಸುಖ ಜೀವನವನ್ನು ವಿವರಿಸುತ್ತಿದ್ದಾನೆ.


ಅವನ ದುಃಖ
ನಡುನಡುವೆ ನುಸುಳಿ
ಉತ್ತರ ನಿರಾಭರಣವಾಗುತ್ತಿದೆ.


ಹೊಟ್ಟೆ ತುಂಬಿದ ಹುಡುಗರು
ಎಷ್ಟು ಚೆನ್ನಾಗಿ ಉತ್ತರಿಸುತ್ತಾರೆ.


ಆಮೇಲೆ -
ಗೋಲ್ಡ್ ಮೆಡಲುಗಳು, ಪಾರ್ಟಿಗಳು
ಇತ್ಯಾದಿ ಇತ್ಯಾದಿ .


-2-


ಹಸಿದ ಹುಡುಗ
ಪರೀಕ್ಷೆಯಲ್ಲಿ
ಗುಡಿಸಲಿನ ಹಸಿವನ್ನು ವಿವರಿಸುತ್ತಿದ್ದಾನೆ.


ಅವನ ದುಃಖ
ನಡುನಡುವೆ ನುಸುಳಿ
ಉತ್ತರ ದಿಕ್ಕು ತಪ್ಪುತ್ತಿದೆ.


ಹೊಟ್ಟೆ ತುಂಬಿದ ಹುಡುಗರು
ಎಷ್ಟು ಚೆನ್ನಾಗಿ ಉತ್ತರಿಸುತ್ತಾರೆ!


ಆಮೇಲೆ-
ಗೋಲ್ಡ್ ಮೆಡಲುಗಳು, ಪಾರ್ಟಿಗಳು
ಇತ್ಯಾದಿ,ಇತ್ಯಾದಿ.



**

-ಕಾಜೂರು ಸತೀಶ್

No comments:

Post a Comment