Saturday, March 22, 2014

ಬಣ್ಣಗಳು ಬೇಕಿಲ್ಲ ನಮಗೆ

ಹಸ್ತದಲ್ಲೊಂದು ಕಿರು ಗಾಯ ಸಾಕು
ನಿನ್ನ ಗೆಲ್ಲಿಸಲಿಕ್ಕೆ ಮುದ್ರೆಯೊತ್ತಲು.
ಗೆದ್ದ ಮೇಲೆ ನಮಗೆ ತುಂಬಿದರೆ ಸಾಕು.

ಆಮೇಲೆ-
ನಮ್ಮ ಮರೆತಾಗಲೆಲ್ಲ
ಹಿಂತಿರುಗಿ ಗೋಡೆಯಲ್ಲೊಮ್ಮೆ ಕಣ್ಣು ಹಾಯಿಸು.
ಅಥವಾ ನಿನ್ನ ಕಣ್ಗಳನ್ನೇ ಅಲ್ಲಿ ಪ್ರತಿಷ್ಠಾಪಿಸು.
ನಮ್ಮ ಹಸ್ತದ ಒಡಕುಗೆರೆಗಳು
ಅದಕ್ಕೆ ರೆಪ್ಪೆಗಳಾಗಿ ಕಾವಲಿರುತ್ತವೆ.

ಹೆಚ್ಚೆಂದರೆ
ಬಣ್ಣಗಳು ಬೇಕಿಲ್ಲ ನಮಗೆ
ರೆಟ್ಟೆ ಮೆದುವಾಗುವವರೆಗೆ!

***

-ಕಾಜೂರು ಸತೀಶ್


No comments:

Post a Comment

ಅನ್ಯಾಯ

ಲೋಕ ನುಂಗಿದವನ ಕಾಲಡಿಗೆ ಒಂದು ಬಾಳೆಹಣ್ಣು ಕದ್ದು ಸಿಪ್ಪೆ ಎಸೆದವನ ಕೊರಳಿಗೆ ಒಂದು ಹಗ್ಗವನ್ನು ಅಂಟಿಸುವುದಾದರೆ ಆ ಹಗ್ಗ ನೇಯ್ದವನ ಬೆವರು ಅನ್ಯಾಯವಾಗಿ ಆತ್ಮಹತ್ಯೆ ಮಾ...