ಅಜ್ಞಾನಿಯ ದಿನಚರಿ

ಅಳಿಯುತ್ತಿರುವ ಎದೆಯ ಅಕ್ಷರಗಳಿಗೊಂದು ಆಲ್ಬಮ್

Saturday, March 22, 2014

ಸುಡುವ 'ಹನಿ'ಗಳು

-1-
ಪರಮ ಹಿಂಸೆ.
ಕವಿತೆಯೊಂದು ತನ್ನನ್ನು ಬರೆಸಿಕೊಳ್ಳುತ್ತಿದೆ
ನನ್ನ ಎದೆಯ ರೋಮ ಸುಟ್ಟು
ಪತಂಗ ಸುಟ್ಟ ವಾಸನೆ
-2-
ಜಗದ ಬೆಂಕಿಯನ್ನು ಪ್ರಶ್ನಿಸಿದೆ:
ಪ್ರಶ್ನೆಯ ಕಡೆಗಿರುವ ಚಿಹ್ನೆಯೊಳಗೆ
ನನ್ನ ಕತ್ತು
ಇನ್ನೂ ಕೊಸರಾಡುತ್ತಿದೆ
-3-
ಸುಡಬಹುದು ಎಲ್ಲವನ್ನು
ಅವ್ವನ ಕಳ್ಳುಬಳ್ಳಿ ಮಾತ್ರ
ಪ್ರೀತಿಯ ಕಡಲಲ್ಲಿ
-4-
ಬೆಂಕಿಯನ್ನೂ ಸುಡಬಹುದು
ಕೊಲ್ಲಲಾಗದು.

-5-
ಎಲ್ಲ ತೀರಿಕೊಂಡರೂ
ಬೆಂಕಿ ಮಾತ್ರ ಸುಡುತ್ತಾ ಬದುಕಿಕೊಂಡಿದೆ.

-ಕಾಜೂರು ಸತೀಶ್




['ಕನ್ನಡ ಪ್ರಭ'ದಲ್ಲಿ ಪ್ರಕಟಿತ]

No comments:

Post a Comment